المشاركات

عرض المشاركات من يناير, ٢٠١٤

تعالى في حضني وخبيني انا في حضنك

تغير منها وتخبرة : بحبك أصلي من صغري .  ومن صغري بغير عليك .  بحبك ومش شايفاك لأحد غيري .  غيرتي واضحة ومش لازم اخبيها . ومش عايزة انا اصلا اداريها . هو : بحبك انا اصلا ومش عايز افكر فيهم . ومش شايف انا غيرك .  ومش عايز اشوف بعديكي . هي :  دا من صغري وانا جنبك ومش سايباك .  تقول اسمي ألاقيني في حضن عنيك . تجيب ايدي وتمسكها . اقوم ساكته ولا هامسة ولا شايفة احد غيرك . حبيبي يا قلبي وحياتي . تعالى في حضني وخبيني انا في حضنك .

كلة بيرقص والسبب .....

صورة
أعتقد وعلى ما يبدو أن الفيديوهات الموجودة أعلاه لا تحتاج إلى وصف أو إلى كلمات .  يكفي أن أجد تلك السيدة الموقرة المحترمة تتمايل وتتراقص وتجعل من نفسها سخرية .  يضحك لها الجميع . وهو في الاساس والاصل يضحك عليها .  أو أن أجد رجلا محترما يمشي مع أسرتة في وقار .  ولكنه ما يجد نفسة يتنازل عن كل ذلك . ليتراقص أمام الجميع متاميلا بجسمة . ليجعل من نفسة سخرية لكل الموجودين . ويضع أسرتة في وضع لا يحسد عليه .  الفيديوهات المرفقة أعلاه . لم أجد سبيلا إلى تجاهلها . فأضفتها هنا . لعلها تكون ذكرى ربما إحتجنا إليها يوما من الأيام . 

دة ان كان . فعشان . كل اللي فيها عايشين .

صديقي يسأل : أخبار شهداء يناير إيه ؟  أجيب : زيهم زي الشهداء اللي قبلهم واللي بعدهم . والجايين . كلهم راحوا زي ما احنا كمان رايحين . صديقي : الشعب المصري مش هيشوف خير ابدااا أكمل ما بدأتة :  دة ان كان . فعشان . كل اللي فيها عايشين . شعب تحس كدة انهم مش بني ادمين . تقولة شمال يقولك يمين . تقولة يمين يقولك آمين . ولا فيه فرق بين الاتنين . عايشين بس وساكتين . بالغلب والاهانة والذل والمهانة راضيين . شكلنا أصلا مش عايزين نكون فاهمين . كفاية علينا نكون شاربين - سجارتين - شوية حشاشين - في خيالهم نايمين . وتيجي تسأل امتا نفوق ونكون صاحيين ؟ يفكر ان دا كمين . ويخاف ويقولك ما احنا صاحيين وفايقين ومش شاربين ولا عارفين حد من المحششين .  احنا جدعان اوي وغاليين . يا عم غور . جتك خيبة تقيلة ورظية تشيلك . غاليين مين . دا انتا عايش مع شوية معفنين . وبتاكل لحم حمير بقالك سنين .

أحبيكي وأموت فيكي

بحبك كلمة مش كافية ولا هي بقادرة توصف كلام مش مخلوق بحبك ومش عايز اقول اصل القوالة فيكي شيء مش معقول ومش كافي اوصف انا حالي بدونك ومن غيرك بحس اني بموت . مقتول وهل لازم نكون كاملين ؟! ولا هو بلازم نكون ناقصين دا مش ممكن ولا هو بصحيح لا كاملين ولا بناقصين مع بعض بنكون عارفين ومش عايزين نكون كاملين ولا بناقصين عايزين مع بعض نكون عايشين ومش عايزين لـ احد غيرنا ولا بعايشين لاحد غيرنا احنا اتنين ، روحين في جسدين مربوطين ومتصلين ولا احد يفرقنا . بحبك ما انا بشاعر . ولا بكاتب ولا بعرف اقول واكتب . لكني بحبك وعن حبك ما بعرفش اسكت ولا احكي ولا ابكي ولا افرح انا بس بكون اهبل ومش واعي اقوم احكي وكمان ارغي واقوم كاتب تقولي خلاص لأ ما خلصش . ما بسكتش معاكي يا بت وما بقدرش ابطل ضحك أحبيكي وأموت فيكي ، وبرضة ما يكفيشي

طابور خامس

بعد أن نشرت الصورة هو : دى يعنى اية ياقريبى؟ انت طابور خامس انت كمان أنا : يعني اية طابور خامس يا خال ؟ هو : يعنى اخوان وانت مش مبين ياشرقاوى؟ أنا : الأهلية الأسبانية التي نشبت عام 1936 م واستمرت ثلاث سنوات وأول من أطلق هذا التعبير هو الجنرال اميليو مولا أحد قادة القوات الوطنية الزاحفة على مدريد وكانت تتكون من أربعة طوابير من الثوار فقال حينها إن هناك طابورًا خامسًاً يعمل مع الوطنيين لجيش الجنرال فرانكو ضد الحكومة الجمهورية التي كانت ذات ميول ماركسية يسارية من داخل مدريد ويقصد به مؤيدي فرانكو من الشعب، وبعدها ترسخ هذا المعنى في الاعتماد على الجواسيس في الحرب الباردة بين المعسكرين الاشتراكي والرأسمالي. الطابور الخامس - ويكيبيديا، الموسوعة الحرة يا عم ...... خد الموضوع بالعموم . يعني ان اي دستور مهما كانت نشأتة ومكانة . لو كانت رقاصة كتباة أرفضة . ولو الكلام دة مش مكتوب بالعربي ومكتوب بأي لغة في العالم . فالعقل بيقول أيوة صحيح الكلام دة ومظبوط . ما تخلكش من اللي بيصنفوا الناس بسرعة البرق . لمجرد رأي شخصي بحت . ممكن يكون الشخص دة ما يفهمش حاجة من اللي انت صنفته بيها . اتجهاتي السياسية ا

سلك السماعة

شئ يشبه سلك السماعة  (( مصطفى إبراهيم )) تعرف إننا بالصلا ع الزين كلنا عايشين ع الأرض ومش فوق ف الجنة بنسدد قطمة تفاحة ؟ لو آدم كان بس إستنى مش كان حيجيب ناس مرتاحه ؟ و ماكنشي بقى أقصى أمالنا نوصل لمكان أصله مكاننا ومخلوق م الأول علشاننا لكن احياناً م التفكير ف الحبكة وف شؤون التدابير يطلع تفسير ... معقول… بيقول احياناً أحداث الدنيا علشان تحصل وخطوط اللعبة عشان توصل ما بينقصهاش غير شماعة الدنيا أساساً م الأول شئ يشبه سلك السماعة يتلعبك منك ف ثواني وعشان يرجع مفرود تاني .

الملل وريما وعادتها القديمة

صديقي يكتب : الحياه بقت مليئه بالملل . والسبب ياتري مين . هل احنا . ام الناس اللي حوليا ..وسواء كان ده او ده يرجع ويبقي احنا .وكل يوم نقول هيكون في جديد وترجع ريما لعادتها القديمه وهكذا.... طب هنعمل ازاي وأنا أكتب له : الملل سببة الروتين اليومي اللي مقتولين احنا فية . او ان مافيش حاجة نهتم بيها . ودي بتكون دايما بداية لمصيبة كبيرة بتكون اللامبالاه . ولكن ما دمنا بنتذكر اننا لازم نتغير وما دامت الاسئلة بتدور في عقولنا . مين السبب ؟ السبب اية يا ترى ؟ اذن فنحن في بداية الطريق اللي بنستطيع تحديد مسارة بادينا . والجديد ان اردناه ان يكون وان يكون موجود علينا نحن السعي اليه . ترجع ريما لعادتها القديمة . عشان ريما كانت عايزة ترجع لعادتها القديمة . ما فكرتش تتغير ولا انها تعيش الجديد وتنسى القديم . عشان كدة فضلت كل يوم ترجع لعادتها القديمة . لو كانت بس فكرت وقررت التغيير . ما كنتش اصلا الكلمة دي هتبقى موجودة .

العيش معا كإخوه أو الفناء معا كأغبباء

صورة

من 3 إلى 4 ولا شيئا أخر مختلف

ولا أعرف كيف أبدأ حديثي وشخابيطي . هذا ولا جديد في ذلك . فهذة عادتي . أبدأ فقط في وضع أصابعي فوق تلك الحروف وأبدأ في الضغط على كل منها . صانعا نغمة طالما أحببتها . لا أعرف أيضا من أين أبدا . أو كيف لي أن أبدأ . أحتاج إلى بداية . كالجميع تماما . فالكل يريد ان يبدأ ولكن مشكلة الجميع أن لا أحد يعرف للبداية بداية . مضت سنة كتلك السنين الأخرى الكثيرة التي مضت قبلها . والتي ستمضي بعدها . لا شيء أخر مختلف . في مرورها . تمر هكذا . تنقص من عمرنا شيئا فشيئا . وتزيد هي من عمر الكرة الأرضية . نتذكر بتلك السنين من عاشوا ، ومن ماتوا . وبخصوص الموت . ولأنه هو الحقيقة الوحيدة في حياتنا . التي لا إختلاف فيها ولا عليها . مع كل تلك الإختلافات التي نعيش فيها إلا أن الموت يجمعنا معنا . لا إختلاف فيما بيننا . لا إختلاف في عقيدتنا ناحيتة . الكل سيموت . قبل أمس توفى أحدهم والذي هو من قريتنا . ولكنة يعمل هنا في السعودية . تغرب مثلنا وكالجميع . تغرب ليحصل على لقمة العيش التي تكفية وتكفي أسرتة .  ولكن كان قد حان وقتة وأجلة وأخرتة . ففارق الحياه في بلد غير بلدة ودفن في أرض غير أرضة . ولكن هي جميعها أرض الله . و