| 4 التعليقات ]

نفسي١:انت جاي عشان خاطر تصدعنا بكلامك طبعا 

انا : طبعا ، ولو ما صعدتش نفسي اصدع مين ، ثم ان احلى صداع بيكون بين المرء ونفسه 
وخلي بالك من الكلام كله عشان حوارنا لسه طويل 
نفسي٢:وفيه ايه يااخي لما الراجل يجي يفضض شوية ، ويشخبط شويتين تلاته ، هيا الشخبطة ممنوعه ولا حرام ولا غاليه وبفلوس .
انا : اهو قالتك اهي ، مافيهاش حاجة نشخبطلنا شويتين ، ما انا من زمان ما شخبطش 
المدونه : وانا بقى اين موقعي من الاعراب ؟
انا : ازاي بس دا انتي اصل الحوار 
ولولا وجودك في حياتي ما كنش هيبقى فيه حوار ويمكن ولا نفسي ومش هنقول واحدة - لا الاتنين 
ولا كان هيبقى فيه مفهوم الخير والشر بالنسبالي 
ولا التحدي ولا النجاح ولا الحروف حتى 
من البدايه اصلا كنتي انتي بدايه الكلام
لما كنتي صندوق بريد ، المرسل دايما كنت انا ، والمرسل اليه كتير 
ولا حد يعرفهم غيري ونفسي وانتي 
فـ ازاي نقول اين موقعك من الاعراب 
وانتي كل قواعد الكلام 

نفسي١:طبعا انا اتأثرت بالكلام ده صراحة ، مع اني ما بتأثرش بالخطابات في العادة ، انت عامل فيها شاعر ، ماتنجز ياعم ؟

نفسي٢: يوه بقى دا انت غتيت 😒

انا:مش مشكلة ، سيبك انتي 
المهم اول الكلام الحمد لله على كل حال ونعوذ بالله من حال اهل النار 
بقالي كتير جدا ما كتبتش ، ماقرتش ، ماكلمتش نفسي ، ماشخبطش ، مافكرتش ....
وعشان كدة جاي احاول اني اعيد شيئا من الماضي ، احاول ان استعيد بعضا من نفسي الاخر والتي اغيب عنها كثيرا دون سؤال ، وكيف لي ان ادفن بعضا من نفسي ، او اقتلها ، كيف لي ان اتخلى عن بعض مني ، وانا لا شيء سوى نفس ، احاول ان اتعايش معها بمنتهى الهدوء وصولا للغاية المثلى والسبب الأوحد في تواجدها .
صلاتي اشتقت اليها ، ليست تلك التي افعلها هذة الايام ، هي ليست صلاه ، هي فقط فرض واجب عليك تأديته ، صلاتي التي اقصدها هي معناها وغايتها ، هي حضرة خالقك وموجدك و العالم والكون والوجود والزمن والاول والاخر 
نفسي الطيبه البشوشة الودوده العاقله ، اشتقت اليك ايضا 
عقلي المجنون المختلف المميز صديقي ومؤنسي
ايضا انت لا شك اني افتقدك 
حياتي الهادئة الضاحكة السعيدة المفرحة 
اين انتي مني ، فلقد تعبت من صراعي وقد ارهقت من محاولاتي للوقوف دائما ، ولقد تعب كل ما في ويبدو انه يستعد للسقوط .
ربما يعتقد انه بذلك قد يحقق شيئا من الراحة 
وحينها لن يفيد اللوم عليه . 

انا : ولكن هذا لن يحدث ، باذن الله ومشيئته . سنكمل المحاولة والتجربة حتى النهايه ، سقطنا مرات عديدة ووقفنا على ارجلنا ، وارجلنا اعتقد انها ليس لديها الاستعداد لتقف عن ما هي مخلوقة اليه .

نفسي١: خلاص كدة ارتحت ، قولت الكلمتين ، طب والله مافاهم حاجة ، ولاعارف ايه العبرة من الكلام اللي اتقال !

نفسي٢: يارب تسكت ياعم ، انت مالك خسران ايه تعبان من ايه ماتخليه يرغي ، روح ياعم ربنا يصلح حالك 
المدونة : بص انت تيجي في اي وقت ، قول ياعم اللي انت عايزة ، واللي مش عايزة لو عايز تقولة قولة ، وماحدش هيقولك انت بتعمل ايه .


4 التعليقات

Ahlam Jahaf يقول... @ 18 أكتوبر، 2016 8:41 م

أحلى حوار اللي يكون مع النفس
الواحد حر يقول الكلام اللي عاجبه
أحلى تحية

آزال يقول... @ 2 فبراير، 2017 5:56 م

حوار النفس مع النفس من أصدق الحوارات وأكثرها جرأة

غير معرف يقول... @ 4 فبراير، 2017 1:02 ص

جروب فكرة وتجربة
جروب يعرض تجارب شخصية حقيقية اي تجربه او فكرة سويتها في حياتك والناس راح تستفيد منها .دائماً ما تجد من يحبطك و يقلل من أفكارك ولكن قليلاً ما ستجد من يشد على يدك و يشجعك صفحة الجروب ستكون منبرك للا نطلاق لنشر فكرتك وتجربتك يلا الكل يشارك حتى لو بابسط امر صار معك ممكن تكتبه للكل يستفيد منه
https://www.facebook.com/groups/314716795592230/

نسمة يقول... @ 20 فبراير، 2017 7:18 م

كل ما تحتاجون اليه هو الدخول إلى موقعنا والتمتع، بزخرفة خبراتكم فى صورة احدث شكل لكتابة سيرة ذاتية وفق لاخر تحديثات عام 2017، وهو ما تنظر اليه الشركات المختلفة بعين الاعتبار.

إرسال تعليق

رافعين معنوياتي . رأيك يهمني . ردك يسعدني .