شخابيط شرقاوي

الموضوع أكبر من أنها مجرد كاميرا خفية . الموضوع هوا ( مرض الخوف ) . إزاي إني أخلق الخوف جوا بني آدم ، وإية هيا العوامل والمسببات لدة ؟ وإية اللي أقدر أعمله في البني آدم اللي خلقت جواه الخوف وحولتة لخواف ؟ ودي سياسة متبعة في كل شيء . حتى السياسة واللعبة القذرة اللي بيلعبوها غيرنا . هيا هيا نفس القواعد اللي بيستخدموها . خوفهم وأرعبهم . وبعدين خليهم يعملوا كل اللي انت عايزة . والسبب بسيط لأنهم خايفين . لما بتخاف بتتنازل عن كل شيء . وبتتقبل أي فكرة تتعرض عليك . إن خفت ما تقولش . وإن قولت ما تخافش . في الحقيقة إنك لو خفت ما تعملش اي حاجة ولا تفكر في أي حاجة وتعيش ميت مقتول بخوفك .

تغير منها وتخبرة : بحبك أصلي من صغري .  ومن صغري بغير عليك .  بحبك ومش شايفاك لأحد غيري .  غيرتي واضحة ومش لازم اخبيها . ومش عايزة انا اصلا اداريها . هو : بحبك انا اصلا ومش عايز افكر فيهم . ومش شايف انا غيرك .  ومش عايز اشوف بعديكي . هي :  دا من صغري وانا جنبك ومش سايباك .  تقول اسمي ألاقيني في حضن عنيك . تجيب ايدي وتمسكها . اقوم ساكته ولا هامسة ولا شايفة احد غيرك . حبيبي يا قلبي وحياتي . تعالى في حضني وخبيني انا في حضنك .

أعتقد وعلى ما يبدو أن الفيديوهات الموجودة أعلاه لا تحتاج إلى وصف أو إلى كلمات .  يكفي أن أجد تلك السيدة الموقرة المحترمة تتمايل وتتراقص وتجعل من نفسها سخرية .  يضحك لها الجميع . وهو في الاساس والاصل يضحك عليها .  أو أن أجد رجلا محترما يمشي مع أسرتة في وقار .  ولكنه ما يجد نفسة يتنازل عن كل ذلك . ليتراقص أمام الجميع متاميلا بجسمة . ليجعل من نفسة سخرية لكل الموجودين . ويضع أسرتة في وضع لا يحسد عليه .  الفيديوهات المرفقة أعلاه . لم أجد سبيلا إلى تجاهلها . فأضفتها هنا . لعلها تكون ذكرى ربما إحتجنا إليها يوما من الأيام . 

صديقي يسأل : أخبار شهداء يناير إيه ؟  أجيب : زيهم زي الشهداء اللي قبلهم واللي بعدهم . والجايين . كلهم راحوا زي ما احنا كمان رايحين . صديقي : الشعب المصري مش هيشوف خير ابدااا أكمل ما بدأتة :  دة ان كان . فعشان . كل اللي فيها عايشين . شعب تحس كدة انهم مش بني ادمين . تقولة شمال يقولك يمين . تقولة يمين يقولك آمين . ولا فيه فرق بين الاتنين . عايشين بس وساكتين . بالغلب والاهانة والذل والمهانة راضيين . شكلنا أصلا مش عايزين نكون فاهمين . كفاية علينا نكون شاربين - سجارتين - شوية حشاشين - في خيالهم نايمين . وتيجي تسأل امتا نفوق ونكون صاحيين ؟ يفكر ان دا كمين . ويخاف ويقولك ما احنا صاحيين وفايقين ومش شاربين ولا عارفين حد من المحششين .  احنا جدعان اوي وغاليين . يا عم غور . جتك خيبة تقيلة ورظية تشيلك . غاليين مين . دا انتا عايش مع شوية معفنين . وبتاكل لحم حمير بقالك سنين .

بحبك كلمة مش كافية ولا هي بقادرة توصف كلام مش مخلوق بحبك ومش عايز اقول اصل القوالة فيكي شيء مش معقول ومش كافي اوصف انا حالي بدونك ومن غيرك بحس اني بموت . مقتول وهل لازم نكون كاملين ؟! ولا هو بلازم نكون ناقصين دا مش ممكن ولا هو بصحيح لا كاملين ولا بناقصين مع بعض بنكون عارفين ومش عايزين نكون كاملين ولا بناقصين عايزين مع بعض نكون عايشين ومش عايزين لـ احد غيرنا ولا بعايشين لاحد غيرنا احنا اتنين ، روحين في جسدين مربوطين ومتصلين ولا احد يفرقنا . بحبك ما انا بشاعر . ولا بكاتب ولا بعرف اقول واكتب . لكني بحبك وعن حبك ما بعرفش اسكت ولا احكي ولا ابكي ولا افرح انا بس بكون اهبل ومش واعي اقوم احكي وكمان ارغي واقوم كاتب تقولي خلاص لأ ما خلصش . ما بسكتش معاكي يا بت وما بقدرش ابطل ضحك أحبيكي وأموت فيكي ، وبرضة ما يكفيشي

بعد أن نشرت الصورة هو : دى يعنى اية ياقريبى؟ انت طابور خامس انت كمان أنا : يعني اية طابور خامس يا خال ؟ هو : يعنى اخوان وانت مش مبين ياشرقاوى؟ أنا : الأهلية الأسبانية التي نشبت عام 1936 م واستمرت ثلاث سنوات وأول من أطلق هذا التعبير هو الجنرال اميليو مولا أحد قادة القوات الوطنية الزاحفة على مدريد وكانت تتكون من أربعة طوابير من الثوار فقال حينها إن هناك طابورًا خامسًاً يعمل مع الوطنيين لجيش الجنرال فرانكو ضد الحكومة الجمهورية التي كانت ذات ميول ماركسية يسارية من داخل مدريد ويقصد به مؤيدي فرانكو من الشعب، وبعدها ترسخ هذا المعنى في الاعتماد على الجواسيس في الحرب الباردة بين المعسكرين الاشتراكي والرأسمالي. الطابور الخامس - ويكيبيديا، الموسوعة الحرة يا عم ...... خد الموضوع بالعموم . يعني ان اي دستور مهما كانت نشأتة ومكانة . لو كانت رقاصة كتباة أرفضة . ولو الكلام دة مش مكتوب بالعربي ومكتوب بأي لغة في العالم . فالعقل بيقول أيوة صحيح الكلام دة ومظبوط . ما تخلكش من اللي بيصنفوا الناس بسرعة البرق . لمجرد رأي شخصي بحت . ممكن يكون الشخص دة ما يفهمش حاجة من اللي انت صنفته بيها . اتجهاتي السياسية ا...

شئ يشبه سلك السماعة  (( مصطفى إبراهيم )) تعرف إننا بالصلا ع الزين كلنا عايشين ع الأرض ومش فوق ف الجنة بنسدد قطمة تفاحة ؟ لو آدم كان بس إستنى مش كان حيجيب ناس مرتاحه ؟ و ماكنشي بقى أقصى أمالنا نوصل لمكان أصله مكاننا ومخلوق م الأول علشاننا لكن احياناً م التفكير ف الحبكة وف شؤون التدابير يطلع تفسير ... معقول… بيقول احياناً أحداث الدنيا علشان تحصل وخطوط اللعبة عشان توصل ما بينقصهاش غير شماعة الدنيا أساساً م الأول شئ يشبه سلك السماعة يتلعبك منك ف ثواني وعشان يرجع مفرود تاني .