شخابيط شرقاوي

ويقرب عليك ويحضنك ويقوم في سرة يشتمك ولأني عارف مقصدة كنت ابتسم واقولة ماشي يا مرجلة المرجلة مش بالكلام مش كل راجل يتوصف .... بالمرجلة اصلك ساعات تلاقي واحدة مستجدعة وتتعامل معاك بمرجلة يا عمنا كفاياك عجن ولت وكلام كتير نوصفة بالمخ... بلاش اقولها وكفايا اقولك معيله أونسونة مش بقولك مش كل راجل يتوصف ... بالمرجلة .

السلام عليكم ورحمة الله وبركاتة بعد طول غياب عن مدونتي وشخابيطي المجنونة . أعود لأكتب بعضا من ذكريات كانت وأحداث مررت بها . وبعضا من رؤى صادفتها وصادفتني ، واجهتها وواجهتني . أحدها أبدأ به اليوم . يحكي عن نظرات سريعة على مسلسل من أجمل المسلسلات التي شاهدتها . مسلسل الخواجة عبدالقادر . ولا أعرف ما الذي شدني إليه إلا أن فكرة أن أحدهم أسلم بعد أن كان على غير الإسلام ، موضوع يستهويني ويعجبني . أحببت أن أعرف قصتة . شيئا فشيئا وجدت الحلقة تجر الحلقة . والأحداث تزداد جمالا يوما بعد يوم . لم أشاهدة على التلفاز فأنتظر كل يوم حلقات المسلسل المتتالية التي تتحكم في عرضها القناه . ولكني شاهدته على الأنترنت حلقة تتلوها الحلقة . ربما كنت أشاهد في اليوم الواحد أكثر من حلقة . وقد انتهيت للتو من اخر حلقة في المسلسل ( الثلاثون ) . بعد ان استمعت كثيرا بكل تفاصيلة ( التأليف ، الإخراج ، الممثلين وأكثرهم إبداعا كان يحيى الفخراني لا شك في ذلك ) ولا أعرف من أين أبدأ وكيف لها أن تكون البداية . ولكن لا بداية تحلو كالبداية . منذ أن كان الخواجة عبدالقادر ( هربرت دوبرفيلد ) ذاك اليائس من الحياه ، ال...

الموضوع أكبر من أنها مجرد كاميرا خفية . الموضوع هوا ( مرض الخوف ) . إزاي إني أخلق الخوف جوا بني آدم ، وإية هيا العوامل والمسببات لدة ؟ وإية اللي أقدر أعمله في البني آدم اللي خلقت جواه الخوف وحولتة لخواف ؟ ودي سياسة متبعة في كل شيء . حتى السياسة واللعبة القذرة اللي بيلعبوها غيرنا . هيا هيا نفس القواعد اللي بيستخدموها . خوفهم وأرعبهم . وبعدين خليهم يعملوا كل اللي انت عايزة . والسبب بسيط لأنهم خايفين . لما بتخاف بتتنازل عن كل شيء . وبتتقبل أي فكرة تتعرض عليك . إن خفت ما تقولش . وإن قولت ما تخافش . في الحقيقة إنك لو خفت ما تعملش اي حاجة ولا تفكر في أي حاجة وتعيش ميت مقتول بخوفك .

تغير منها وتخبرة : بحبك أصلي من صغري .  ومن صغري بغير عليك .  بحبك ومش شايفاك لأحد غيري .  غيرتي واضحة ومش لازم اخبيها . ومش عايزة انا اصلا اداريها . هو : بحبك انا اصلا ومش عايز افكر فيهم . ومش شايف انا غيرك .  ومش عايز اشوف بعديكي . هي :  دا من صغري وانا جنبك ومش سايباك .  تقول اسمي ألاقيني في حضن عنيك . تجيب ايدي وتمسكها . اقوم ساكته ولا هامسة ولا شايفة احد غيرك . حبيبي يا قلبي وحياتي . تعالى في حضني وخبيني انا في حضنك .

أعتقد وعلى ما يبدو أن الفيديوهات الموجودة أعلاه لا تحتاج إلى وصف أو إلى كلمات .  يكفي أن أجد تلك السيدة الموقرة المحترمة تتمايل وتتراقص وتجعل من نفسها سخرية .  يضحك لها الجميع . وهو في الاساس والاصل يضحك عليها .  أو أن أجد رجلا محترما يمشي مع أسرتة في وقار .  ولكنه ما يجد نفسة يتنازل عن كل ذلك . ليتراقص أمام الجميع متاميلا بجسمة . ليجعل من نفسة سخرية لكل الموجودين . ويضع أسرتة في وضع لا يحسد عليه .  الفيديوهات المرفقة أعلاه . لم أجد سبيلا إلى تجاهلها . فأضفتها هنا . لعلها تكون ذكرى ربما إحتجنا إليها يوما من الأيام . 

صديقي يسأل : أخبار شهداء يناير إيه ؟  أجيب : زيهم زي الشهداء اللي قبلهم واللي بعدهم . والجايين . كلهم راحوا زي ما احنا كمان رايحين . صديقي : الشعب المصري مش هيشوف خير ابدااا أكمل ما بدأتة :  دة ان كان . فعشان . كل اللي فيها عايشين . شعب تحس كدة انهم مش بني ادمين . تقولة شمال يقولك يمين . تقولة يمين يقولك آمين . ولا فيه فرق بين الاتنين . عايشين بس وساكتين . بالغلب والاهانة والذل والمهانة راضيين . شكلنا أصلا مش عايزين نكون فاهمين . كفاية علينا نكون شاربين - سجارتين - شوية حشاشين - في خيالهم نايمين . وتيجي تسأل امتا نفوق ونكون صاحيين ؟ يفكر ان دا كمين . ويخاف ويقولك ما احنا صاحيين وفايقين ومش شاربين ولا عارفين حد من المحششين .  احنا جدعان اوي وغاليين . يا عم غور . جتك خيبة تقيلة ورظية تشيلك . غاليين مين . دا انتا عايش مع شوية معفنين . وبتاكل لحم حمير بقالك سنين .

بحبك كلمة مش كافية ولا هي بقادرة توصف كلام مش مخلوق بحبك ومش عايز اقول اصل القوالة فيكي شيء مش معقول ومش كافي اوصف انا حالي بدونك ومن غيرك بحس اني بموت . مقتول وهل لازم نكون كاملين ؟! ولا هو بلازم نكون ناقصين دا مش ممكن ولا هو بصحيح لا كاملين ولا بناقصين مع بعض بنكون عارفين ومش عايزين نكون كاملين ولا بناقصين عايزين مع بعض نكون عايشين ومش عايزين لـ احد غيرنا ولا بعايشين لاحد غيرنا احنا اتنين ، روحين في جسدين مربوطين ومتصلين ولا احد يفرقنا . بحبك ما انا بشاعر . ولا بكاتب ولا بعرف اقول واكتب . لكني بحبك وعن حبك ما بعرفش اسكت ولا احكي ولا ابكي ولا افرح انا بس بكون اهبل ومش واعي اقوم احكي وكمان ارغي واقوم كاتب تقولي خلاص لأ ما خلصش . ما بسكتش معاكي يا بت وما بقدرش ابطل ضحك أحبيكي وأموت فيكي ، وبرضة ما يكفيشي