سيدي الرئيس

بواسطة -

سيدي الرئيس 
هديك ورق واديك قلم 
اكتبلي اية الانجازات 
اكتبلي اية ذنب اللي مات 
اكتبلي وصفة عشان ما موتش من الحسرة  من كتر السكات 
اصل السكات اصبح خرس
احكيلي لية كتروا الحرس 
لية الولاد ماتوا على القضيب 
في المدرسة - سكت الجرس 

سيدي الرئيس 
مع القلم رزمة ورق 
احسبلي كم قلب اتحرق 
على ابن راح من غير وداع 
على حلم عمرة اللي اتسرق

تقدر تقولي حضرتك 
سودت لية شاشة دريم ؟
لو دة النظام
تقدر تقولي فرقت اية عن القديم ؟

الرأي ضدك اختلاف 
مش  خلاف ولا رزالة 
واختلاف الرأي اصلا 
من الحرية ومن العدالة 

سيدي الرئيس 
الحسرة مالية قلوب كتيرة 
التار بيكتر في البلد 
ولا عشان مش من العشيرة 
يموت خمسين بنت وولد

الناس غلابة 
الناس غلابة وحقهم يحلموا يعيشوا في أمان 
غلق المواقع له أوان 
صدقني يا سيادة الرئيس 
الأولى غلق المزلقان 

تعليقات

  1. ياسمين4 يناير 2013 في 5:55 م

    بجد جميلة جداا..!
    ربنا يصلح الحال يارب

    ردحذف
  2. Rozy12 يناير 2013 في 11:40 م

    جاااامدة جدااا
    D:

    ردحذف
  3. صباح جودة 14 يناير 2013 في 3:54 ص

    الناس غلابة والرئيس
    الكل ضدة شىء اكيد
    حيتان كتير فى البلاد
    فجاة اتفقو فى الميدان يسقطو كل رئيس
    مش بس مرسى هيكون ضحية
    كل رئيس هيجى بعدة يقول لا للفسدين
    هتلقى الميدان مليان احزاب يصرخ يقول عوزين شريف


    ردحذف
  4. SHARKawi14 يناير 2013 في 6:01 م

    اشكرك ( ياسمين ) على ردك ومرورك .
    ودوام التواصل اللي بيسعدني .
    لكي مني تحياتي وتقديري

    ردحذف
  5. SHARKawi14 يناير 2013 في 6:02 م

    اشكرك ( Rozy Ahmed ) على وجودك . مرورك وردك .
    على دوام التواصل اللي بيسعدني .
    لكي مني تحياتي وتقديري

    ردحذف
  6. SHARKawi14 يناير 2013 في 6:13 م

    اشكرك ( وعــد ) على وجودك وردك الجميل .
    هو شعر في حد ذاتة لا يقل جمالا عما هو قيل وما هو مكتوب . رأيك صحيح تماما لا شك فية .
    فاحنا ما دام مختلفين في الأراء وغير متفقين . منقسمين . احزاب كتير . جماعات اكتر . تقسيمات × تقسميات لعند ما بقت شخصية . كل شخص وكل فرد بقى لوحدة . ما حدش بيتفق مع اي حد تاني .
    اقتباس ( هتلقى الميدان مليان احزاب يصرخ يقول عوزين شريف ) ولان الشرف بقى برضة معناه فية تقسيمات كتير . فكل حد له معناه الخاص للشرف . ولان الشرف بقى شيء صعب نلاقيه .

    ردك ورأيك اسعدني جدا .
    نورتيني . اتمنى دوام التواصل .

    لكي مني تشكراتي .

    ردحذف

إرسال تعليق

رافعين معنوياتي . رأيك يهمني . ردك يسعدني .

المشاركات الشائعة من هذه المدونة

الحلم الأزرق

بواسطة -
صورة
لية ما نغيرش طريقة تفكيرنا ونظرتنا شوية للأمور . يعني نشوف مشاكلنا ببساطة شديدة . ونبدأ نعرفها ونكتبها . بعدها نيجي لمرحلة ازاي نحلها . وبالطريقة دي هنعرف الحلول اللي بيها نقدر نحل المشكلة . وبالتأكيد هيكون متاح أكتر من حل . وبكدا نقدر اننا نختار الحل المناسب واللي هوا أفضل الحلول . نفسي بتقولي : طب دخل دا اية في الكلام اللي انتا جاي تقولة النهارة يا شرقاوي . بقول لنفسي : صراحة مش عارف . بس اهي بداية . وعلى ما نيجي نوصل للنهاية جايز نعرف يعني اية ولية قولناها . من فترة كدا قابلتني حلقة من مسلسل تركي . وأنا مش من متابعين المسلسلات التركية زي كتير من الناس . ولا المسلسلات بشكل عام . غير اني بتابع الانمي زي ناروتو أو ون بيس وفي طريقي لمتابعة بليتش وكونان والقناص ودا وما بيبقاش عندي أي مشكلة في اني اتابع الكتير من هذا النوع . ولكن المسلسلات التركية كرهتها من غير ما اتابعها ودا عشان الهوس اللي حصل في العرب بيها . وعشان قد اية بقت مسيطرة على تفكيرنا وقلوبنا . على أرواحنا وعقولنا . ودا بقى غير الحوادث اللي حصلت بسبب تلك المسلسلات . طلاق ، قتل ، انتحار . وكتير
قراءة المزيد

الشيطان يحكم ..

بواسطة -
صورة
انتهيت من قراء كتاب الشيطان يحكم لـ د / مصطفى محمود   وكعادتي سأضيف بعضا من الاقتباسات التي تستحق وكما ذكرت سابقا وكما اذكر دائما تستحق ان تعاد كتابتها . وأن أقل ما يمكنني أن أقدمة. هو أن أضيف بعضا من تلك الكلمات . واضافتي لرابط تحميل الكتاب . وفي البداية أحب فقط أن أضيف قصة بسيطة لبدايتي للقراءة للدكتور مصطفى وقصتي مع الكتب التي أملكها له . حيث أني أمتلك كمية بسيطة من كتبة . بعضها ورقية بعضها الأخر الكترونية . أول كتاب قرأتة للدكتور مصطفى كان بعنوان ( على حافة الانتحار ) حيث اني قد استعرتة من صديق لي . وكان الكتاب في حالة يرثى لها . كان بدون غلاف ، كما أن وريقاتة كانت قد بدأت في الخراب ، هذا بالاضافة الى ان بعض الكلمات الغير واضحة فقد مسحت وأختفت حروفها . وحين ما بدأت في تصفح الكتاب وقراءة ما به من كلمات . وجدت به المعنى الحقيقي للفكر والمذاق الأصيل للكلمات . كان كتابا أستطيع أن أوصفة بأنه سياسي من الدرجة الأولى . هذا أيضا لا يمنع من انه ربما لا يصنف تحت هذا التصنيف . فمع تغير زاوية القراءة تغيرت الرؤية . وكل فهم ما هو مكتوب بطريقتة . بعد ان انتهيت من الكتاب . ارجعتة الى صديقي
قراءة المزيد

سلو بلدنا في أفراحنا - النقطة

بواسطة -
صورة
بتكلم مع صاحبي بخصوص بعض العادات والتقاليد المصرية الأصلية  . ولقيت ان الموضوع يحتاج فعلا انه ينكتب . او انه يتم إلقاء بعض الضوء عليه . ولو مش هيكون بالفكرة دي ( قضيه وكدا ) فهيكون مجرد ابداء رأي شخصي فيه . والعادات والتقاليد اللي اشرت اليها فوق ، كتيرة ولو بدأنا الكلام فيها مش هنخلص . فما اكثر تلك التقاليد وما اكثر تلك العادات . ولكن النقطة اللي كانت محور النقاش والجدال الذي طال لبعض من الوقت وخرج من نطاق الحوار بيني وبين صاحبي الى ان وصل لكل من هو مستمع من بعيد او من قريب . الى ان وصل الى هنا حيث من المحتمل ان يجده ويقرأة الأكثر . كانت عادتنا نحن المصريين في أفراحنا . ولأن الموضوع دا فعلا كان يثيريني ويصل بي الى العصبية العمياء التي ربما لا ترى أراء الأخرين ورؤيتهم . احيانا كثيرة لما كنت اروح احضر فرح ( اقصد بالفرح هنا ليس مجرد يوم العرس ، وانما اقصد كل تلك الايام المرتبطة بتلك المناسبة ) ومن كثرة تلك المظاهر التي كنت انتقضها كانت بتضيع مني طعم الفرحة . كنت لا استطيع ان اتذوق تلك المناسبة . وكانت تختلط بداخلي كل تلك المشاعر فلا اصل في نهاية الأمر إلى أيا منها . وي
قراءة المزيد