حمار في النيل ..

بين السما والأرض عايشين ..

وقدام النيل قاعدين ..

وناس هناك بيتكلموا ومش فاهمين ..

وناس ما بيتكلموش ومش فايقين ..

دول زهقانين .. طهقانين .. تعبانين ..

ودول أو دول جاهلين مش عارفين ..

بس أديهم عايشين ..

وفية فاهمين مطنشين ..

قاعدين بس وساكتين ..

وفي السما طايرة الطيور ..

والدخان مالي السما ..

قاعد بشوف في النيل دا إية ..

شوفت السمك ..

ولاقيت ورق .. وحاجات كتير ..

وكتير لاقيت ..

وكمان حمار لاقيتة ميت وماشي فية ..

قعدنا نسأل دا إية .. دا إية ؟؟

دا كلب ولا حمار صحيح ؟؟

صحيح دا مات .. دا مات خلاص ..

وخلاص دا النيل .. ودا ماشي فية ..

والكل قاعد يبص علية ..