| 2 التعليقات ]

سـألني واحـد إزي الحال ؟
قولتلة حالي يتقال فية موال ..
دا حالي مش زي أي حال ..

الدنيا مش بتديني ..
وفـ أي حاجة مش بتراعيني ..
ولا هيا حتى بتواسيني ..

فايتاني ونسياني ..
مخليناني طهقان زهقان مخنوق مضايق ..
ودايما دايما مبكياني ..

والحلو مش مورياني ..
وفـ المـر دايما رمياني ..

كاره الحياة بكل ما فيها ..
دا اللي فيها مكفيها ..
كاره الحياة وإتخنقت ..
خلاص زهقت ..
كاره الحياة ومليت ..
مـ الهم والغم إستكفيت ..
كاره الحياة  وما أكرهاش لية ؟!
وهيا فيها إية أبقى علية ..

كاره الحياة وبحبهـا ..
ونفسي أترمي في حضنها ..
تدفيني تواسيني ..
تملاني بحنانها وحبها ..

كاره الحياة وإية المانع أحبها ؟!
كاره فيها قسوتها وظلمها ..
كاره فيها غربتها وهجرها ..

كاره الحياة ومش فاهم لية كرهتها ..
يمكن عشان حسيت بإزعاجها وضعفها ..
ويمكن عشان ما لقتش فيها الحاجة اللي أحبهـا ..

2 التعليقات

mohammed hassona يقول... @ 18 فبراير، 2013 12:13 ص

والله تسلم دماغك يابنى

SHARKawi يقول... @ 21 فبراير، 2013 8:25 م

الله يخليك يا محمد . تسلم انت يا غالي . على اهتمامك . وكلامك اللي رافع من معنوياتي . ومخليني مستمر .

إرسال تعليق

رافعين معنوياتي . رأيك يهمني . ردك يسعدني .