| 0 التعليقات ]

قبل أن أنـام جلست أفكر كثيرا كثيرا في الغد .. 
أو ماذا سيحدث ؟؟ .. 
وأسئلة كثيرة لم أجد لها إجابة ..
إلى أن تعبت من كثرة التفكير .. 
ولم أستطع أن أنـام ..
ولكن ..
توصلت في النهاية إلى تلك الكلمات البسيطة . وبعد أن كتبتها ..
تمكنت أخيرا من النوم ..

عيـــش ..
يمكن بكرة  تلاقي ما فيش ..

سيب بكرة ودلوقتي عيش ..
وبكرة برضة إبقى عيش ..
بس عيــش ..

دا كدا عقلي قالي وغير كدا ما قاليش ..
قالي عيش وبس ..
وبس عيش ..
دا إن فكرت في بكرة هتلاقي التعب ..
وغير كدا ما تلاقيش ..

وإحلم وعيش ..
دا الحياة أصلا ما تساويش ..
دا أنتا عايش ع التراب ..
وفي التراب هتعيش ..
وغير التراب ما فيش ..

وأفكـر في بكرة لية وهوا لسة ما جاليش ..
خلي بكرة لبكرة ..
ونام وعيش ..

عيش يا عم وكل عيش ..
ما كدا هتعيش ..
وكدا هتعيش ..

عيش دلوقتي يمكن بكرة ما تعيش ..
دا الموت بيجي ما فيش ..
في لمح البصر ما تلاقيش ..

يا عم عيش ..
وسبني أعيش ..
وعن بكرة ما تكلمنيش ..
وعن أي حاجة ما تقوليش ..
بس سبني دلوقتي أعيش ..

أعيش بس ..
وغير كدا ما يهمنيش ..

يا عم عيش ..
وسبني أعيش ..
وخلي كل الناس تعيش ..

وعيش حتى مع الحرافيش ..
وقضيها قراقيش ..
الأهــم إنك تعيش ..


بعد أن إستيقظت في اليوم التالي . وقرأت كلماتي .
كتبت كلمات أخرى عكس تلك الكلمات .
وقولت 
وإزاي أعيش وبس . وبس أعيش ؟؟

فكر في بكرة ودلوقتي عيش ..
وبكرة برضة مايتنسيش .. 

 
دا الحياة اصلا من غير تفكير ما تساويش ..
دا احنا جينا الحياه عشان نفكر ونعيش ..
وعقلك من غير تفكير يبقى عقل دراويش ..


واحلم بـ بكرة .. 
عشان من غير بكرة ..
حلمك ما يساويش ..
حلمك اصلا ما يجيش ..
ويبقى حلم ما فيش ..










0 التعليقات

إرسال تعليق

رافعين معنوياتي . رأيك يهمني . ردك يسعدني .