الرسالة الأولى . روميو وجولييت
انا كنت عايش والسلام .
كنت عايش ما فيش كلام .
بس عايش مش تمام .
كل يوم كنت احب .
كنت اصحى وانام احب .
كنت قلب .
وقلبي مات .
ايوة مات عشان بحب .
كلام مش منطقي كدا ومش متظبط ومش مترتب ومش مفهوم .
يعني اية قلبي مات عشان بحب ؟!
تعالي اقولك يعني اية .
ايوة مات لما ضاعت حبيبتي مني .
ايوة مات لم قالت كنت ماضي .
لما لاقيت نفسي فاضي .
ايوة مات لما الاقي ايد حبيبتي مع حد تاني .
معقول ممكن اشوفها تاني . مع شخص تاني ؟
معقول طبعا مش معقول لية ؟!
مش قالتلي انت ماضي .
طب سؤال : هوا انتي اصلا كنتي حبيبتي ؟
ايوة اكيد . وبكل تأكيد . كنتي أكتر من حبيبتي .
لما جيتلك وناديتلك وبصوت عالي وقولتلك اني جيت . ( روميو وجولييت )
كان كلام ؟! لا . كنتي حبيبتي .
لما كنتي تزعلي وتنرفزي وتعصبي .
كنت راضي . كنتي حبيبتي .
وتعالي انتي . وعرفيني انتي اصلا حبتيني ؟
ومش كلام . انتي بس عرفيني .
وسيبك انتي . وتعالي انتي ثم انتي ثم انتي .
مش قولتلك ف البداية اني جاي بالجنون . اني جاي عشان اقول .
يعني يمكن تزعلي . او تقولي اني فاضي واني جاي اعذبك .
بس اقولك اني جايلك بالحقيقة .
مش قولتلك توعديني ؟ قولتي ايوة .
مش سألتك تفضليلي ؟ قولتي ايوة .
مش وعدتي . طب خلاص . اشربي .
او تعالي بس أعرفي . يعني اية طعم العذاب .
يعني اية حب مات .
يعني اية ماضي وذكريات .
مش بتقولي اني عايش في الخيال .
وان لو مرة حب مات . يبقى فية كتير ما مات .
بس دا لو حب مات .
طب في حالتي . تعرفي تحليليني او تشخصيني ؟
مش قولتلك كنت قلب . وقلبي مات .
بدأت رسالاتي . ولم تنتهي بعد ..
انتظريني .
تعليقات
إرسال تعليق
رافعين معنوياتي . رأيك يهمني . ردك يسعدني .