الرسالة التانية . روميو وجولييت - الأونو

رجعي عمرك معايا ولو ثواني ..
وإنسي ليا بعض الحاجات ..
وإفتكري شوية ساعات ..


بتقوليلي . إنت عادي .
إنت أصلا مش في بالي .

بس أقولك إني راضي .

المهم إنت وحياتك .
والأهم ما تكرهيش .
وما تقوليش ما تعرفيش .

يعني عادي لما أجي فجأة في بالك ..
أبقى عادي .
أو في مرة صدفة شوفتك ..
بردة عادي .
يعني ممكن مرة أسلم .. أو أبلم ..
فأبقى عادي .

فاكرة أونو ؟؟ واللمونو ؟؟
فاكرة أي حاجة ليا .. تبقى حلوة ..
فاكرة أي حاجة فيا .. أوعليا ..

فاكرة إية ؟؟
ما تفكريني ..
مش زمان كنت غنوة ..
فجأة بقيت خلاص نقمة ..
بس ماشي ..

بعترف إني زمان كنت بغلط ..
ما كل الناس كانت بتغلط ..
طب وإنتي ؟؟
مش غلطتي ؟؟
ولو مرة .. أي غلطة ..
مش كتير جتلك وقولت اني محتاجلك كتير ..
ماسمعتنيش . ما فهمتنيش .
انتي اصلا ما حاولتيش . انك بس تسمعيني .

طب وانتي ثم انتي ثم انتي .
انتي لسة ع الكلام .
يعني كلة في التمام .
ولا هتقولي خلاص وكفاية ويلا سلام .
طب استني حبة .
اصل كل اللي فات كان حبة ولسة حبة ..
وكلة هيبقى ع الاحبة .
والاهم المحبة .

تعليقات

المشاركات الشائعة من هذه المدونة

الحلم الأزرق

ملعون أبوها الحمامة أم غصن زتون ..

الشيطان يحكم ..