دوري يا دنيا عليه .. وريه بعنيه ..



الأيام زي امتحان
والنتايج بالميزان
كل واحد ليه معاد
لما بيئون الأوان

واللي طالع فيها فوق
واللي طامع في الحقوق
بكرة ييجي اليوم يفوق
دي الحياة داين تدان

واللي ظلم الناس في إيده
ماشي متعكّز عليه

دوري يا دنيا عليه
وريه بعنيه
وقولي له محال الحال يدوم لو هو إيه

دوري يا دنيا عليه
وريه بعنيه
ده العمر حساب في كتاب يشوف مكتوب له إيه


دنيا تلاهي تملّي تدور
دنيا ملاهي ومش بالدور
واللي بيشبط فيها بيحلم
امتى تحن وياخد دور

بس هيعلى لغاية فين ؟!
برضه هينزل لكن فين ؟
لما يشوف الناس من فوق
غيره بييجي عليه الدور

بالأيام اتغطى وناسي
إن ساعتها بتعرّيه

قلب لكل الناس مفتوح
راضي برزقه وبالمسموح
تتبسم أيامه وتحلى
علشان هي حلاوة روح
لكن وقت ما يطمع فيها
حتى ترابها ما يملى عينيه

تعليقات

  1. 100 مسا ومسا عليك يا برنس .
    تحياتي يا غالي .
    نورت وشرفت :)
    تشكراتي وتحياتي

    ردحذف
  2. والله تستاهل كل الخير

    ردحذف
  3. الله يخليك ويكرمك . والله انت اللي تستاهل كل خير .
    شكرا على الرد والزيارة . واتمنى دوام التواصل .

    تشكراتي كامل احترامي وتقديري . دعواتي وتحياتي

    ردحذف

إرسال تعليق

رافعين معنوياتي . رأيك يهمني . ردك يسعدني .

المشاركات الشائعة من هذه المدونة

الحلم الأزرق

ملعون أبوها الحمامة أم غصن زتون ..

الشيطان يحكم ..