| 0 التعليقات ]

كلمات عن الحب كتبتها زمـان .. مجرد شخابيط ..

الحـب :- من وجهة نظري إنة أجمل حاجة ممكن يعيشها الإنسان .
الحب دا سـر الحياه - سـر الوجـود ..
من غير الحب ما تقدرشي تعيش ..

ما إنتا أو إنتي لو مش بتحبي باباكي مش هتقدري تعيشي معاه - ولو مش قادرة تعيشي معاه - يبقى هتحتاجي تسيبي باباكي - وتشوفي حد تاني تحبية - ولو مش حبيتي أي حد واللي هما الناس - يبقى مش هتقدري تعيشي في وسطيهم (( بينهم يعني ))وكدا هتحتاجي تبقي لوحدك - وإن بقيتي لوحدك يبقى هتحتاجي تحبي المكان اللي إنتي فية - لإنك لو مش حبتية - يبقى هتحتاجي تنتحري (( يعني تموتي )) - ولو إنتحرتي يبقى موتتي كافرة والعياذ بالله - وبكدا خسرتي الدنيا والأخرة - دا مثال طبعا ..

القصد من الكلام : إن الحياة من غير حب ما تنفعشي ..
الحب إحساس بيخلي قلبك يدق - عقلك يفكر - عنيكي تتخيل ..
الحب دافع إنة يخليكي تاكلي وتشربي وتنامي وكل حاجة ..

الحب من وجهة نظري هو : السعادة - هو الفرحة - هو الحزن - هو الغضب واليأس ..
الحب مرتبط بكل حاجة في الحياة ..

الحب مش كلمة بحبك - أو رسمة قلب - أو رسم حرفين - أو دبدوب - أو أو أو .... أي حاجة من اللي بنسميها حب دلوقتي ..
الحب أكبر من كدا بكتير ..

الحب إني أحب اللي تحبية - أحس باللي تحسية ..
أقرا كلام عنيكي من غير حتى ما تقولية - وأعرف اللي في قلبك إية ..
الحب إني أشوفك وأنا صاحي وحتى وأنا نايم ..
وكمان أشوفك وإنتي معايا وكمان وإنتي مش معايا ..
تكوني قريبة مني وحتى وإنتي بعيدة عني ..
الحب إني أشوفك أحلى حاجة في الدنيا - مع إن فية أحلى - بس إنتي في عيني أحلى وأحلى ..
الحب إني أكون أنا وإنتي واحد - في مشاكلك - في عواطفك - في أحلامك وحتى في خيالك - أكون معاكي في فرحك وزعلك ..
الحب إن مشكلتك الصغيرة تكون عندي أكبر مشكلة . أحاول أحلها وأكون معاكي في وقتها ..
الحب إننا نزعل بعدين نتصالح - بعدين نرجع نختلف وتاني نرجع نتفق ..
الحب إني أقتنع إنك ليا - وإنك تقتنعي إني ليكي ..
الحب إني أعلى صوتي وأقول إني بحبك بصوت عالي ..
الحب جنون - بس أحلى جنون ..



0 التعليقات

إرسال تعليق

رافعين معنوياتي . رأيك يهمني . ردك يسعدني .