اثبت مكانك..


اثبت مكانك هنا عنوانك 
ده الخوف بيخاف منك
و ضميرك عمره ما خانك
اثبت مكانك ده نور الشمس راجع
 يا تموت و انت واقف يا تعيش و انت راكع
اثبت مكانك ده عنيك شايفة الدليل
 ابعد عنهم 
و سيب الحيطة عليهم تميل
اثبت مكانك قلب الوطن اتجرح
 و صوت الحرية خلاص اتنبح 

كلامك ما بيتفهمش احساسك مابيتوصفش
كلامك ما بيتفهمش احساسك مابيتوصفش

انت بتقول كرامة وهما يردوا بمهانة
 انت بتقول العدل بيقولوا عنك ندل

اثبت مكانك هنا عنوانك 
ده الخوف بيخاف منك 
و ضميرك عمره ما خانك
اثبت مكانك انت نور الفجر 
و هتافك صوته اعلي من صوت الرصاص و الغدر
اثبت مكانك و ادعي ويا الادان لك رب اسمه الحق و العدل و السلام
اثبت مكانك و كتفك في كتف اخوك لو مهما راحت روح الفكرة مش هتموت

كلامك ما بيتفهمش احساسك ما بيتوصفش
كلامك ما بيتفهمش احساسك ما بيتوصفش

انت بتقول كرامة وهما يردوا بمهانة
 انت بتقول العدل بيقولوا عنك ندل 

مطلوب منك السكوت تكون انسان بديل
مطلوب تسكت تموت او تعيش أسير
عايش في اكبر سجن بس من جوايا حر
حاضر حتعجب تكفي عني كل الشر
الولاء للماضي افكار لينا صديقة
كذب الكاذب جوايا يأكد الحقيقة
إنعكاس تاريخ الزيف في المرايا واضح
طوبة تكسر المرايا للحقيقة فاضح
و مستورين من جوانا لو جسمنا اتكشف
فاللي ينطق بالحقيقة بالخيانة اتوصف
انهازمي و انهزم لكن انتصاري واتسرق
الحقيقة فبروكها بحزن علي كتاب اتحرق
انا اللي ماتوا من سنة و اللي قاتل ما اتشنق
انا السطور علي الورق انا اللي من جوا اتحرق
انا اللي شعر شاب بموته و هو طالب مدرسة
انا اللي ثابت مهما قالوا و مهما زودوا الاسي

تعليقات

المشاركات الشائعة من هذه المدونة

الحلم الأزرق

ملعون أبوها الحمامة أم غصن زتون ..

الشيطان يحكم ..