| 3 التعليقات ]

طب وبعدين طيب . هفضل قاعد كل يوم أقول أكتب وما أكتبش . بحجة إني ما كتبتش من زمان وإني ما بعرفش أكتب .
أكونش صدقت نفسي مثلا وإفتكرت إني بعرف أكتب ولا حاجة !
لا فوق يا شرقاوي . فوق لنفسك وأصحى . وأعرف مقامك .
مجرد شخابيط .
ع العموم أدخل في الموضوع على طول .


فاقد الشيء لا يعطية 

دايما بسمع الكلمة دي . وهيا طبعا معروفة ومفهوم معناها تماما مش محتاجه شرح . ولا فزلكة ولا فلسفة .
بس أنا شوفتها بزاوية تانية . والزاية التانية جايز تكون فزلكة شوية مني . بس ما فيش مشاكل . فزلكة فزلكة . ما حدش وخد منها حاجة . أنا بس بقول إن إزاي حد ما اتحبش - يحب . والعكس كمان أنه ما اتكرهش فإزاي يكره .
ما حدش اداله قلب فإزاي يدي لحد قلبه . وما فيش اللي اداله عقله فيقوم يعطيله هوا عقله .
هوا في الاساس افتقد الشيء دا من الآخرين وفي المقابل مش هيعطيه للآخرين .
حتى لو هوا ملكه . ومعاه . مش هيعطيه لحد . لإن ما حدش أعطاله دة في البداية .

اديني قلبك وخد قلبي . اديني جرام محبة اديك وقية حنان . اديك بزيادة حبة توزع ع الجيران .

مطلوب مننا كلنا ( جميعا ) أننا نبتدي من نفسنا نعطي اللي لدينا دا . واللي معانا . عشان كلنا ما نبقاش مفتقدين الشيء اللي بالتالي مش هنعرف نعطيه .
يعني المليان يعبي ع الفاضي . واللي معاه يدي للي معهوش .
في النهاية هتكون النتيجة انه كلنا هيبقى معانا الشيء . ومش هنكون مفتقدينة . وبالتالي هنعطية .

نفسي : تصدق انت انسان هايف . وبايخ وخايب .

انا : بايخ وخايب نفس الحروف على فكرة .

نفسي : مش بقولك هايف . انت كل الكلام دة وعمال تعيد وتزيد فيه ع الفاضي . انت بتحب تخترع ليه . يا عم الكلمة معروفة ومفهومة ومش محتاجة يعني كل الحوارات دي . وبعدين حتى لو عايز تفتح حوار كانوا كلمتين وخلصنا . ويكون خير الكلام ما قل ودل .

انا : بصي . انتي اسكتي خالص عشان انا ليا كلام معاكي كتير في الايام اللي جاية . وهتموتي من الضرب . ما نشوف انا ولا انتي . دا انا هفضحك ع النت . واقول لكل الدنيا عليكي وعلى عمايلك . وهعرفهم قد اية انتي حقيرة اصلا وانا اللي مخليلك قيمة .


نفسي :
انا .. دا انت اللي هترجع راكع تترجاني اعفو عنك وتقولي معلش . اصل كانت الحماسة واخداني شوية . بس انا قلبي كبير وهسامحك . وهستقبلك .

انا : دا بعدك . طب بكرة نشوف . انا ولا انتي .

المهم بقول اية . انا قولت الكلمتين اللي عندي . ودة كان بالمختصر المفيد او الغير مفيد . الأهم اني قولت . وبدأت .

3 التعليقات

جارة القمر يقول... @ 31 أغسطس، 2013 5:08 ص

كلنا نعبر عما بداخلنا هي فضفضة ومساحة لنرتاح فيها

رائع

SHARKawi يقول... @ 26 سبتمبر، 2013 9:59 م

أشكرك ( جارة القمر ) على وجودك ومرورك اللي اسعدني .
وفي الحقيقة هو كما ذكرتية تمام . فضفضة ومساحة نرتاح فيها .
نكتب و ( نشخبط ) ونرسم . نخرج بعضا مما بداخلنا على شكل كلمات متراصة بطريقة ما .
وهذا ما أحاول أنا أن أفعلة هنا وهناك . وما هناك إلا هنا :)
ولكن المقصود من الكلام . انه هذا ذا ما ذكرتية أعلاه .

تشكراتي . كامل احترامي وتقديري . دعواتي وتحياتي

جيلان حمزة يقول... @ 23 نوفمبر، 2013 12:52 ص

حلو جدااااااااااااااا البوست ده .. فعلا فاقد الحب لا يعطيه .. و عشان كده أطفال الشوارع بيطلعوا مجرمين معندهمش قلب لأنهم محسوش بطعم الحب في وسط أسرة مثلا ... و كمان اللي أتربى غلط مش بيعرف يربي ولاده صح ... وحاجات كتير ممكن نفيسها على كده بس فعلا اهمها الحب و الاهتمام ...
انا رغيت كتير معلش
بس في حاجة كمان عاوزة اقولهالك ...حوارك مع نفسك فكرني بحواراتي و مناوشاتي الكتير مع نفسي ... ودايما بنتخانق برضو سبحان الله .. وفي أخر الخناقة كل واحده فينا بتقول إنها هي اللي كانت على حق ... وبيضيع الحق لأننا نفس الصوت ..

تحياتي

إرسال تعليق

رافعين معنوياتي . رأيك يهمني . ردك يسعدني .