في النهاية كلنا إنسان
عن اللي حصل واللي بيحصل .
بقالي فترة كبيرة ما بتتكلمش في السياسة ولا بتناقش ولا بجادل فيها .
بعد لما كنت كتبت ( ثورة مصر هي ثغرة في العالم العربي ، سياسة ودين ، لماذا لا للإخوان ؟ ) ووضحت فيها رؤيتي الخاصة للي كان حاصل واللي هيحصل واللي هوا احنا فيه دلوقتي .
وبالنسبالي ان اللي بيحصل دا كان شيء متوقع جدا . كنت عارف ان الامور هتوصل لكدة . ودة التطور الطبيعي للأحداث . فما فيش أي استغراب .
بس من كم يوم لاقيت كم حاجة خلتني وبشكل لا ارادي ابدأ اتكلم تاني في اللعبة القذرة .
في بلدتنا القرية الصغيرة ( الناصرية ) والغير ظاهرة على الخريطة .
والتي تمتلك كل صفات القرى . فالجميع فيها اقارب . والكل يعرف البعض كما ان البعض يعرف الكل ولا فارق بينهما ولا اختلاف .
بلدتنا التي لم تشغل بالها ابدا بما يحدث من امور سياسية خارجية كانت او داخلية . سوى ان همهم الأول والأخير هي لقمة العيش . والعيشة البسيطة بأفراحها وأحزانها التي يتشاركها الجميع .
وفي بلدتنا يوجد كل اشكال الحياه بكل ما فيها من اختلافات فكرية وثقافية وطبقية . ومع ذلك لم تصل يوما الى ما وصل بها الحال الآن
قمت رايح على قايمة الاصدقاء عندي على الفيس بوك . وبدأت اسأل البعض من أصدقائي وأبناء بلدتي . لأستشف من إجابتهم إلى أين وصلت بهم الحال . وأين هم من هؤلاء .
وكانت من أفضل الإجابات :
- ولاد عم مختلفين سياسيا . عايشين في منطقة واحدة وفية منهم اللي في بيت واحد . شتموا بعض . ومسكوا لبعض الشوم والخشب والطوب . اتجمعوا مع بعض ضد بعض . وبقت قصة وقضية وعار على العيلة كلها .
- صاحبي صاحبة بعتلة رسالة يشتمة فيها . عشان مختلف معاه سياسيا .
- صاحبي عمتة اخت ابوه راحتلة البيت تمسك فيه وتقولة حسبي الله ونعم الوكيل .
- صاحبي اتبعتلة رسالة وهوا مسافر ومتغرب . خلي بالك انت من البلد وكدة كدة راجع وهتنزل هتموت . عشان بيقول رأية السياسي الحر بكل صراحة على صفحتة .
غير ان مرة نسمع انهم خرجوا في مسيرة بعد صلاة الجمعة . فقابلهم الناس التانين المختلفين معاهم سياسيا . ويبدأ الضرب .
أو ان حد يمشي في الشارع يشتم في حد تاني مختلف معاه سياسيا .
اية دة ؟ في بلدنا كل دة يحصل ؟ الناصرية . دا انتوا ما فيش حد يعرف عنكم حاجة . بتمثلوا مثلا . ولا عاجبكم موضوع اننا نكون متقمسين ومتفرقين .
بتضربوا بعض وتشتموا بعض . دا انتوا ما لكوش حد غير بعض .
لا اللي بره شايفنكم ولا عرفنكم . ولا هيدوروا عليكم ولا هيطبطبوا .
انتوا الاول والاخر اللي هتدوروا على بعض . وتلفوا ورا بعض عشان تصالحوا بعض .
ولما بقيت اسمع كل القصص والحكايات الجديدة على مسامعي . قلت لازم ارجع واتكلم واشوف الموضوع واصل لفين . وهل فعلا بقينا بعاد عن بعض اوي كدة .
روحت على قائمة الاصدقاء اللي موجودة عندي على الفيس بوك . وبدأت اسأل واحد واحد عن أرائهم في اللي بيحصل في البلد .
لم اسأل الجميع . سألت البعض وأكتفيت .
ولما كنت بسأل في الحقيقة ما كنتش عايز أعرف الاجابة لغرض سياسي . بس كنت بسأل لغرض انساني . وكنت عايز اشوف قلوبنا بقت عاملة ازاي . ووصلنا لفين مع بعض في التفاهم والنقاش . وفي الفكر . هل احنا لازم نكون تابعين لحد ضد حد . وهل لازم نكون مؤمنين بفئة معينة . وهل هو مشروط ان ننحاز لطرف عن طرف أخر . وهل من الاساس توجد اطراف . وكم طرف موجود . ولماذا انقسمنا . وكيف انقسمنا . ومن قسمنا . وهل نحن راضين عن الانقسام .
واكتشف ان فعلا فيه كتير مش واخد باله اننا انقسمنا . وعاجبة الوضع كمان . بقى يقولك انا مع دة ضد دة . يعني لازم تكون مع طرف معين من الاطراف ضد طرف تاني . ولو محايد يبقى انت مش من هنا ولا مننا .
وكان في نهاية كل سؤال بسألة لحد يسألني وانت رأيك اية ؟
وانا اصلا قايل رأيي من بدري لو انت مهتم برأي كنت قريت المواضيع اللي قولتها فوق .
بس ببساطة هقول كم نقطة ببساطة يمكن توضح وجهة نظري للموضوع .
- اي حد مسلم ضاف مع مسلم دي اي حاجة . فأنا مش مقتنع بيه . يعني مثلا مسلم سني . مسلم سلفي . مسلم اخواني .
كل دول مش مقتنع بيهم . ولا هقتنع بيهم . لانه ببساطة لو انا مسلم فأنا كل دول مش محتاجة اني افصل نفسي عن الجميع او اني اميز نفسي بلقب او بإسم . وما دام انت خليت لنفسك اسم زي ( الاخوان المسلمين ) يبقى انت عندك مباديء وقواعد وأسس وأفكار مختلفة عن باقي المسلمين . وبقيت انتوا الاخوان والاخرين ليسوا اخوانكم .
والا لماذا اطلقتوا على انفسكم هذا اللقب والمسمى الغير مبرر .
جميعنا اخوان مسلمين . ومن غير ما نقول . مش محتاجة اننا نقول .
ولية نقول ما دام دي حقيقة ثابتة ومعروفة .
- اللي بيتقال عليهم اخوان مسلمين . مش كلهم اخوان مسلمين بجد . فية ناس طيبة منهم صحبي وصاحبك . قاريبك وقرايبي . كل الموضوع انهم شايفين ان الاخوان المسلمين بيدعوا الى الاسلام وان يكون الحكم اسلامي وان يعم السلام والأمان والرخاء . وانهم ناس بتوع ربنا . فبقوا بيقولوا احنا معاهم . احنا كمان اخوان مسلمين . من غير ما يهتموا بموضوع اللعبة السياسية او الكلام الكبير والكتير اللي بيتقال . ودول الاكترية والأغلبية .
- جيشك لازم تحترمة احترام كامل وتحترم كلمتة واسمة . بينك وبين نفسك وبينك وبين الجميع وقدام العالم كلة . في الأول والأخر هوا جيشك اللي لو حصلت حرب هوا اللي هيخوضها . وهوا اللي بيحمي . وهوا المسئول قدام ربنا عن مهمتة . اي اعتداء عليه هوا اعتداء عليك بالظبط . واي اهانة ليه هيا اهانة ليك .
- ما فيش حاجة اسمها هناخد حقنا بدراعنا . احنا مش في غابة . لاننا لو في غابة يبقى القوى هياكل الضعيف . وساعتها بقى لو انت بقيت مع قانون الغابة يبقى لازم تكون قدة . عشان جايز يجيلك الاقوى منك ياكلك . ودا أكيد . لأن القوي موجود دايما الأقوى منه .
- لما هتعمل الغلط وهتتحمل مسئوليتة لوحدك . اعمل الغلط واتحمل غلطك دي مشكلتك وغلطتك ومسئوليتك . انما لما تيجي تعمل غلطة اللي هيتحملها هيكون انت واللي حواليك . يبقى ما تعملهاش . لإما تتحملها لوحدك . لإنها مش غلطة اللي حواليك .
- اللي راحوا رابعة كانوا عايزين حاجة مستحيلة ومعروف انها مستحيلة .
ان الساعة ترجع للوراء . فلية فضلوا متمسكين وقاعدين . يوم واتنين .
وكانوا كل زعلهم على الشخص مش على الفكرة . وكل أملهم ان الكرسي يرجع . ( الكرسي ولعنة الجلوس )
- الجيش لما هيجي يضرب . هيضرب بإيد من حديد . أمر بديهي وشيء طبيعي . وكمان كان فيه تحذير . فمش ممكن تسمح اصلا لنفسك انك تكون اقوى من جيشك . حتى لو انت اقوى . والا بقت خيبة تقيلة وندامة .
- الحرب دايما فيها خساير . والحرب بتكون بين طرفين مسلحين .
ومادام انت في ايدك اي سلاح يبقى اعلنت الحرب . وما دام اعلنت الحرب . تأكد أن هيكون فيه خساير . والخساير الاكتر هتكون من الطرف الاضعف .
- لو انت همك مصلحة الوطن . وشايف ان المصلحة هتكون موجودة بنسبة أكبر لو انت اتنازلت . اتنازل . حتى ولو بشكل مؤقت . بس عشان المصلحة العامة .
- لو انت مختلف مع الوطن في حاجة او حاجات . ما تنقسمش عنه . وما تحاولش تعمل وطن جوا الوطن . وحريتك دايما بتنتهي لما بتتعدى على حرية الأخرين .
- الاعلام كله كاذب لا شك في ذلك . ولكن لدينا قلوب تستطيع ان تستشعر الحقيقة اين . ولدينا عقول تستطيع ان ترتب الأمور وتربطها ببعض .
- لا توجد حقيقة كاملة . هي دايما ناقصة . وعلينا نحن أن نكملها . وأن نحاول أن نعرفها .
- صوتك العالي دليل على ضعف موقفك والمتعصب لرأيه هو المخطأ والغلط كل الغلط .
- لما تستخدم أطفال ونساء في حرب سياسية . فانت غلط .
- لما تستخدم الدين في حرب سياسية لوصول لأمور دنيوية . فانت غلط .
- لما تظهر الدين بشكل غير الشكل الحقيقي ليه . فانت غلط .
- لما تعجبك القعدة في الشارع والنوم مع اسرتك وزوجتك واطفالك فيه . فانت غلط .
- دم الانسان حرام انه يستباح ويكون حاجة عادية . مهما كان الاختلاف .
في النهاية وليست بالأكيد نهاية . هذا رأي شخصي . يعني ممكن يكون غلط . وممكن يكون صح . وممكن يكون فية شوية صح وشوية غلط . مش مشكلة صح ولا غلط . الأهم أنه رأي .
كلنا لازم نتكلم مع بعض ونقول لبعض اللي شايفينة وفاهمينة واللي حاسين بيه . بكل الحب . وبنفس القلب .
ومن نقاشنا وكلامنا ممكن نقنع بعض . وممكن نتفق على حاجات وحاجات لأ . وممكن ما نتفقش خالص على حاجة .
بس هنكون عرفنا رأي بعض ببساطة . وفضل في النهاية الحب والإحترام .
وبلاش الانقسام اللي بقينا فية . وبقى بيكبر كل يوم . بلاش شماتة وشتيمة واهانة .
في النهاية كلنا ابناء وطن واحد .
في النهاية كلنا إنسان .
بقالي فترة كبيرة ما بتتكلمش في السياسة ولا بتناقش ولا بجادل فيها .
بعد لما كنت كتبت ( ثورة مصر هي ثغرة في العالم العربي ، سياسة ودين ، لماذا لا للإخوان ؟ ) ووضحت فيها رؤيتي الخاصة للي كان حاصل واللي هيحصل واللي هوا احنا فيه دلوقتي .
وبالنسبالي ان اللي بيحصل دا كان شيء متوقع جدا . كنت عارف ان الامور هتوصل لكدة . ودة التطور الطبيعي للأحداث . فما فيش أي استغراب .
بس من كم يوم لاقيت كم حاجة خلتني وبشكل لا ارادي ابدأ اتكلم تاني في اللعبة القذرة .
في بلدتنا القرية الصغيرة ( الناصرية ) والغير ظاهرة على الخريطة .
والتي تمتلك كل صفات القرى . فالجميع فيها اقارب . والكل يعرف البعض كما ان البعض يعرف الكل ولا فارق بينهما ولا اختلاف .
بلدتنا التي لم تشغل بالها ابدا بما يحدث من امور سياسية خارجية كانت او داخلية . سوى ان همهم الأول والأخير هي لقمة العيش . والعيشة البسيطة بأفراحها وأحزانها التي يتشاركها الجميع .
وفي بلدتنا يوجد كل اشكال الحياه بكل ما فيها من اختلافات فكرية وثقافية وطبقية . ومع ذلك لم تصل يوما الى ما وصل بها الحال الآن
قمت رايح على قايمة الاصدقاء عندي على الفيس بوك . وبدأت اسأل البعض من أصدقائي وأبناء بلدتي . لأستشف من إجابتهم إلى أين وصلت بهم الحال . وأين هم من هؤلاء .
وكانت من أفضل الإجابات :
بص يا محمد .. ربكم اعلم بمن هو اهدي سبيلا ..- اخوات في بيت واحد ولكن مختلفين سياسيا . قاموا ضربوا بعض . واتلمت الناس . وامهم طلعت تصوت وتلم الناس تستنجد بيهم عشان يفضوا بين اولادها واللي هما اخوات .
الاخوان غلط .. بس علي جانب وان كان صغير من الحق ..
وما يحدث ضدهم ظلم بين .. وواضح ..
مفيش حق مطلق الآن ..
في اما جزء من الحق
او لا حق .
- ولاد عم مختلفين سياسيا . عايشين في منطقة واحدة وفية منهم اللي في بيت واحد . شتموا بعض . ومسكوا لبعض الشوم والخشب والطوب . اتجمعوا مع بعض ضد بعض . وبقت قصة وقضية وعار على العيلة كلها .
- صاحبي صاحبة بعتلة رسالة يشتمة فيها . عشان مختلف معاه سياسيا .
- صاحبي عمتة اخت ابوه راحتلة البيت تمسك فيه وتقولة حسبي الله ونعم الوكيل .
- صاحبي اتبعتلة رسالة وهوا مسافر ومتغرب . خلي بالك انت من البلد وكدة كدة راجع وهتنزل هتموت . عشان بيقول رأية السياسي الحر بكل صراحة على صفحتة .
غير ان مرة نسمع انهم خرجوا في مسيرة بعد صلاة الجمعة . فقابلهم الناس التانين المختلفين معاهم سياسيا . ويبدأ الضرب .
أو ان حد يمشي في الشارع يشتم في حد تاني مختلف معاه سياسيا .
اية دة ؟ في بلدنا كل دة يحصل ؟ الناصرية . دا انتوا ما فيش حد يعرف عنكم حاجة . بتمثلوا مثلا . ولا عاجبكم موضوع اننا نكون متقمسين ومتفرقين .
بتضربوا بعض وتشتموا بعض . دا انتوا ما لكوش حد غير بعض .
لا اللي بره شايفنكم ولا عرفنكم . ولا هيدوروا عليكم ولا هيطبطبوا .
انتوا الاول والاخر اللي هتدوروا على بعض . وتلفوا ورا بعض عشان تصالحوا بعض .
ولما بقيت اسمع كل القصص والحكايات الجديدة على مسامعي . قلت لازم ارجع واتكلم واشوف الموضوع واصل لفين . وهل فعلا بقينا بعاد عن بعض اوي كدة .
روحت على قائمة الاصدقاء اللي موجودة عندي على الفيس بوك . وبدأت اسأل واحد واحد عن أرائهم في اللي بيحصل في البلد .
لم اسأل الجميع . سألت البعض وأكتفيت .
ولما كنت بسأل في الحقيقة ما كنتش عايز أعرف الاجابة لغرض سياسي . بس كنت بسأل لغرض انساني . وكنت عايز اشوف قلوبنا بقت عاملة ازاي . ووصلنا لفين مع بعض في التفاهم والنقاش . وفي الفكر . هل احنا لازم نكون تابعين لحد ضد حد . وهل لازم نكون مؤمنين بفئة معينة . وهل هو مشروط ان ننحاز لطرف عن طرف أخر . وهل من الاساس توجد اطراف . وكم طرف موجود . ولماذا انقسمنا . وكيف انقسمنا . ومن قسمنا . وهل نحن راضين عن الانقسام .
واكتشف ان فعلا فيه كتير مش واخد باله اننا انقسمنا . وعاجبة الوضع كمان . بقى يقولك انا مع دة ضد دة . يعني لازم تكون مع طرف معين من الاطراف ضد طرف تاني . ولو محايد يبقى انت مش من هنا ولا مننا .
وكان في نهاية كل سؤال بسألة لحد يسألني وانت رأيك اية ؟
وانا اصلا قايل رأيي من بدري لو انت مهتم برأي كنت قريت المواضيع اللي قولتها فوق .
بس ببساطة هقول كم نقطة ببساطة يمكن توضح وجهة نظري للموضوع .
- اي حد مسلم ضاف مع مسلم دي اي حاجة . فأنا مش مقتنع بيه . يعني مثلا مسلم سني . مسلم سلفي . مسلم اخواني .
كل دول مش مقتنع بيهم . ولا هقتنع بيهم . لانه ببساطة لو انا مسلم فأنا كل دول مش محتاجة اني افصل نفسي عن الجميع او اني اميز نفسي بلقب او بإسم . وما دام انت خليت لنفسك اسم زي ( الاخوان المسلمين ) يبقى انت عندك مباديء وقواعد وأسس وأفكار مختلفة عن باقي المسلمين . وبقيت انتوا الاخوان والاخرين ليسوا اخوانكم .
والا لماذا اطلقتوا على انفسكم هذا اللقب والمسمى الغير مبرر .
جميعنا اخوان مسلمين . ومن غير ما نقول . مش محتاجة اننا نقول .
ولية نقول ما دام دي حقيقة ثابتة ومعروفة .
- اللي بيتقال عليهم اخوان مسلمين . مش كلهم اخوان مسلمين بجد . فية ناس طيبة منهم صحبي وصاحبك . قاريبك وقرايبي . كل الموضوع انهم شايفين ان الاخوان المسلمين بيدعوا الى الاسلام وان يكون الحكم اسلامي وان يعم السلام والأمان والرخاء . وانهم ناس بتوع ربنا . فبقوا بيقولوا احنا معاهم . احنا كمان اخوان مسلمين . من غير ما يهتموا بموضوع اللعبة السياسية او الكلام الكبير والكتير اللي بيتقال . ودول الاكترية والأغلبية .
- جيشك لازم تحترمة احترام كامل وتحترم كلمتة واسمة . بينك وبين نفسك وبينك وبين الجميع وقدام العالم كلة . في الأول والأخر هوا جيشك اللي لو حصلت حرب هوا اللي هيخوضها . وهوا اللي بيحمي . وهوا المسئول قدام ربنا عن مهمتة . اي اعتداء عليه هوا اعتداء عليك بالظبط . واي اهانة ليه هيا اهانة ليك .
- ما فيش حاجة اسمها هناخد حقنا بدراعنا . احنا مش في غابة . لاننا لو في غابة يبقى القوى هياكل الضعيف . وساعتها بقى لو انت بقيت مع قانون الغابة يبقى لازم تكون قدة . عشان جايز يجيلك الاقوى منك ياكلك . ودا أكيد . لأن القوي موجود دايما الأقوى منه .
- لما هتعمل الغلط وهتتحمل مسئوليتة لوحدك . اعمل الغلط واتحمل غلطك دي مشكلتك وغلطتك ومسئوليتك . انما لما تيجي تعمل غلطة اللي هيتحملها هيكون انت واللي حواليك . يبقى ما تعملهاش . لإما تتحملها لوحدك . لإنها مش غلطة اللي حواليك .
- اللي راحوا رابعة كانوا عايزين حاجة مستحيلة ومعروف انها مستحيلة .
ان الساعة ترجع للوراء . فلية فضلوا متمسكين وقاعدين . يوم واتنين .
وكانوا كل زعلهم على الشخص مش على الفكرة . وكل أملهم ان الكرسي يرجع . ( الكرسي ولعنة الجلوس )
- الجيش لما هيجي يضرب . هيضرب بإيد من حديد . أمر بديهي وشيء طبيعي . وكمان كان فيه تحذير . فمش ممكن تسمح اصلا لنفسك انك تكون اقوى من جيشك . حتى لو انت اقوى . والا بقت خيبة تقيلة وندامة .
- الحرب دايما فيها خساير . والحرب بتكون بين طرفين مسلحين .
ومادام انت في ايدك اي سلاح يبقى اعلنت الحرب . وما دام اعلنت الحرب . تأكد أن هيكون فيه خساير . والخساير الاكتر هتكون من الطرف الاضعف .
- لو انت همك مصلحة الوطن . وشايف ان المصلحة هتكون موجودة بنسبة أكبر لو انت اتنازلت . اتنازل . حتى ولو بشكل مؤقت . بس عشان المصلحة العامة .
- لو انت مختلف مع الوطن في حاجة او حاجات . ما تنقسمش عنه . وما تحاولش تعمل وطن جوا الوطن . وحريتك دايما بتنتهي لما بتتعدى على حرية الأخرين .
- الاعلام كله كاذب لا شك في ذلك . ولكن لدينا قلوب تستطيع ان تستشعر الحقيقة اين . ولدينا عقول تستطيع ان ترتب الأمور وتربطها ببعض .
- لا توجد حقيقة كاملة . هي دايما ناقصة . وعلينا نحن أن نكملها . وأن نحاول أن نعرفها .
- صوتك العالي دليل على ضعف موقفك والمتعصب لرأيه هو المخطأ والغلط كل الغلط .
- لما تستخدم أطفال ونساء في حرب سياسية . فانت غلط .
- لما تستخدم الدين في حرب سياسية لوصول لأمور دنيوية . فانت غلط .
- لما تظهر الدين بشكل غير الشكل الحقيقي ليه . فانت غلط .
- لما تعجبك القعدة في الشارع والنوم مع اسرتك وزوجتك واطفالك فيه . فانت غلط .
- دم الانسان حرام انه يستباح ويكون حاجة عادية . مهما كان الاختلاف .
في النهاية وليست بالأكيد نهاية . هذا رأي شخصي . يعني ممكن يكون غلط . وممكن يكون صح . وممكن يكون فية شوية صح وشوية غلط . مش مشكلة صح ولا غلط . الأهم أنه رأي .
كلنا لازم نتكلم مع بعض ونقول لبعض اللي شايفينة وفاهمينة واللي حاسين بيه . بكل الحب . وبنفس القلب .
ومن نقاشنا وكلامنا ممكن نقنع بعض . وممكن نتفق على حاجات وحاجات لأ . وممكن ما نتفقش خالص على حاجة .
بس هنكون عرفنا رأي بعض ببساطة . وفضل في النهاية الحب والإحترام .
وبلاش الانقسام اللي بقينا فية . وبقى بيكبر كل يوم . بلاش شماتة وشتيمة واهانة .
في النهاية كلنا ابناء وطن واحد .
في النهاية كلنا إنسان .
تعليقات
إرسال تعليق
رافعين معنوياتي . رأيك يهمني . ردك يسعدني .