ساعات ..

ساعات بلاقي نفسي أروح ع البروفايل بتاعها . أبصلها وأقعد أدقق في ملامحها .
أشوف عيونها . نظارتها . ضحكتها وابتسامتها .
أراجع كلماتها . وأفتكر اللي فات . اللي بالنسبالها مات .
وما بعرفش ساعتها هوا أنا بعمل كده ليه ؟!
غاوي تعب قلب مثلا ؟!

مش عارف صراحة . غير إن اللي متأكد منه . إنها وحشاني .
وإني في يوم من أيام حياتي حبيتها .
حب ضاع . حب مات . حب عايش جوايا لسة وعايش جواه . مش مهم . الأهم إني حبيتها .
وبتردد كتير . طب أضيفها ؟ أبعتلها رسالة ؟ أكلمها ؟
وفي النهاية بكتفي إني أقعد أقلب في صفحتها .
أشوف أصدقائها . قرايبها . صورها والصور اللي جبتها .

يااااااه على جمالها وحلاوتها .
يااااااه على طفولتها وشقاوتها .
يااااااه على ذكائها وحنكتها .
ياااااااه منها وعلى طعامتها .


فية حب في حياتك يكبر . وحب تاني يصغر . وحب تالت ثابت لا بيكبر ولا بيصغر .
موجود وبس . ما بيفارقكش .
تروح يمين ، تروح شمال . تحب جديد أو ما تحبش .
موجود جواك وما بيسيبكش .
تكبر مهما تكبر . تسافر وترجع . وهوا هوا موجود ما بيرحمكش .
وراك وراك . ذاكرة جواك .
عذاب لكنه حلو . ليه طعم وريحة ولون . بس ما لوش شكل .
أه لو بس تعرف . إني لحبي ليها ما نستش .
أه لو بس تعرف إني غبت عنها بس هيا ما غبتش .
طب لو عرفت يبقى فيه فرق ؟
ما أعتقدش .


الحب مع إنه واحد . حروف واحساس ومعنى . إلا إنه بيختلف من حد لحد .
شيء غريب لما أحبها وهيا تقول إنها حبتني . وفي النهاية ما تحبنيش .
شيء غريب لما تنساني وتكون وعداني إنها ما تنسنيش .
غريب لما ما تستننيش . وفي حياتها ما تفتكرنيش .
غريب لما الاقيها من ( ومع ) غيري قادرة تعيش .
شكلها كدا من البداية ما حبتنيش .

تعليقات

  1. شكلها كدا من البداية محبتنيش
    قرأت من كام يوم ان الحب مش بيموت الا لو كان من البداية مش حب
    كلنا عندنا مشاعر وأحاسيس بس بتختلف من شخص للتانى فى رقتها وعمقها
    ومش عارفة بحس دايما ان الولاد لما بيحبوا بجد بيبقى صعب عليهم ينسوا ويحبوا تانى أكتر من البنات
    بس أكيد فى حب تانى بيكون أحلى لأنه بيدوم معانا ومش بيفرقنا عنه الا الموت

    ردحذف
  2. ليه اتا احبه وهوه لأ
    ليه انا اسهر وهه لا
    صبرى طال وهوه لأ
    ليه لما اعوزه يلوى بوزه
    ليه لما اواعده ينسى وعده
    ليه انا اصارحه وهوه لأ
    اظن كده كفاية يا شرقاوى هههههههههههههه

    ردحذف
  3. قد ترى عيناك فيها مال يراه غيرك وتزين لك الكثير باسم الحب
    بس انت كذا حيرتنا تحبني ومحبتنيش ازاااااااي
    دمت بخير

    ردحذف
  4. اشكرك مروة على مرورك وردك اللي اسعدني كتير .

    اقتباس ( قرأت من كام يوم ان الحب مش بيموت الا لو كان من البداية مش حب ).. دا حقيقي تماما . وصح مية المية . والا ما كنش بقى حب . الحب لا يموت هو باقي بقاء الحياه . بقاء الهواء . بقاء الماء . بقاء شروق الشمس . بقاء السماء .
    الحب اسمى كثيرا من انه يقتل أو يموت . أو انه يكتب ويوصف بكلمات . هو أكثر كثيرا مما نعتقد نحن .
    هو البداية . والنهاية . وما بعد النهاية .
    هو كل شيء . العقل والقلب وكل اعضاء الجسد المتحابه معا في شكل متكامل لينبضوا بالحياه .
    نتحرك بالحب . نأكل ونشرب بالحب . نقف بالحب . نمشي ونجري ناشرين السعاده بالابتسامة في كل الوجود بالحب . ننام ونصحا ونسعى كله بالحب .

    اقتباس ( كلنا عندنا مشاعر وأحاسيس بس بتختلف من شخص للتانى فى رقتها وعمقها )
    ايضا هذة ميزة من ميزات الحب . كل يحب بطريقتة . يبقى الحب هو الحب .

    اقتباس ( ومش عارفة بحس دايما ان الولاد لما بيحبوا بجد بيبقى صعب عليهم ينسوا ويحبوا تانى أكتر من البنات )اختلف معكي تماما هنا سيدتي . انتي بما ذكرتية كمن اتت بسكين على قلب الحب ومزقتية نصفين متساويين . بالأحرى تكوني قد قتلتية .
    الحب واحد سيدتي لكلا الطرفين اولاد كانوا او بنات . مع مختلف الاجناس والجنسيات .
    هو لا يتجزأ . هو شيء واحد متكامل اذا تحقق كان هو الحب الحق .
    الحب لا ينسى ولا يمكن ان يكون ذكرى تمحى مع الايام بالايام . الحب يبقى وكل شيء من حولة يموت .
    كل من يدور حوله - الحب - يموت . ويبقى هو صامدا للنهاية .

    اقتباس ( بس أكيد فى حب تانى بيكون أحلى لأنه بيدوم معانا ومش بيفرقنا عنه الا الموت ) لا يوجد حب تاني . وحب أول . هو حب واحد يبقى حتى بعد الموت .

    شرفتيني ونورتيني واشكرك على ردك وكلماتك .
    اتمنى دوام التواصل .

    تشكراتي . كامل احترامي وتقديري . دعواتي . تحياتي

    ردحذف
  5. ههههههههههههههههههه استاذي الفاروق . بتشرفني وتنورني دايما . اشكرك وبشدة .
    ووجودك فقط ونوررك يكفيني سيدي ويشرفني ويكون كفاية .

    اتمنى دوام تواصلك ونشر ضياء حروفك .
    تشكراتي . كامل احترامي وتقديري . دعواتي . تحياتي

    ردحذف
  6. اشكرك سارة على وجودك. ومروركوردك اللي اسعدني كتير .

    اقتباس ( قد ترى عيناك فيها مال يراه غيرك وتزين لك الكثير باسم الحب ) .. الحب هو الحب .. والرؤية وجبت ان تكون واحده .. الكل ينظر اليه بنفس الزاوية . بنفس المنطق والفلسفة الكامنه فيه . الحب حياه جميعنا نعيشها . تنفس نفس الهواء . نملك نفس القلب . نفس العقل . نفس المشاعر والاحاسيس . ( مع اختلافها ربما شيئا ما - الا انه يبقى الحب كما هو . لا يتغير من ذاك او تلك .

    الحب في الاصل والاساس هو الزينة والجمال . هو لا يزين لأحدا شيئا . هو فقط يريه مدى الجمال .
    يفتح عينه . ينبض قلبه . ليشاهد كيف هي الحياه .

    اقتباس ( بس انت كذا حيرتنا تحبني ومحبتنيش ازاااااااي )اعتقد سيدتي انك تقصدي تلك ( شيء غريب لما أحبها وهيا تقول إنها حبتني . وفي النهاية ما تحبنيش . ) .. هي فقط قالت انها احبتني . وفي النهاية اكتشفت انه لم يكن حبا يوما ما .

    اتمنى دوام التواصل اللي بيشرفني ويسعدني .
    تشكراتي كامل احترامي وتقديري .دعواتي . تحياتي

    ردحذف

إرسال تعليق

رافعين معنوياتي . رأيك يهمني . ردك يسعدني .

المشاركات الشائعة من هذه المدونة

الحلم الأزرق

ملعون أبوها الحمامة أم غصن زتون ..

الشيطان يحكم ..