قال مدونة قال . النهاية .

اية الغيبة دي ولية ؟!

يلا معلش . انا قولت اريحك مني شوية . مش كل يوم اوجع دماغك وازعجك . واقرفك . وازهقك . 

النهاردة زي ما وعدتك . تعتبر النهاية . 

وتعتبر عشان ما فيش نهاية . الا نهاية النهاية . 

ومادام نهايتنا بداية للنهاية .

فهيا مش نهاية . 

الله يخرب عقلك يا شرقاوي .انت بدأت . طب يلا توكل على الله . 

وكمل اللي بدأتة . وبراحتك . مش هخنقك في وسط الكلام .

عشان ما تغضبش  . وتشيل وتاخد على خاطرك . 

ما انا مهما كان نفسك . وانت ليك مين غير نفسك . 

اه والله صحيح . اية الهدوء دا والحلاوة دي . 

حلو اوي الكلام دا . يا رب بس تفضلي كدا . 

طب يلا انجز . 

ههههههههههه . بهزر . 

يلا ابدأ . 

اخر مرة وقت عند اني وصلت السعودية في اكتوبر وبدأت اقوم بعملية تبييض شخابيطي .

لتتحول من شخابيط على ورق الى شخابيط كتبت بالازرار . 

دون اية تعديلات للحفاظ على ماهيتها كما هي . وتكون على طبيعتها . 

وبعد ما بدأت وكتبت شوية . 

حبيت اشوف تشجيع . او اي حد ينافقني ويكدب عليا زي ما اتعودت . 

فدورت . وع الايميل روحت وكلمت .

ايوة يا محمد بقولك اية . انا عملت مدونة جديدة اسمها شخابيط .

كاتب فيها شوية حاجات هبلة كدا . 

ادخل وشوفها وقولي رأيك .

عشان نشوف هنكمل ولا اية ؟

وانا بقوله كدا اصلا . كان في بالي . اني مكمل للنهاية . 

محمد بالفعل بعتلة اللينك . وسبتة شوية . ورجعتلة .

اية يا معلم ؟ عملت اية ؟ شوفت اي موضوع ولا اي كلمة ولا اية ؟

وكان ردة . ايوة حلوة . 

بص انا هديك مدونة واحدة . بتعرف تكتب . بتكتب حاجات حلوة اوي .

هيا ليها في موضوع المدونات دي .وانتوا دماغكم زي بعض .

هتفهم هيا اللي انت كاتبة . وشوف اللي هيا كاتباه وهيعجبك . 

وفهمت من صديقي . انه لا يريد ان يطيل معي في هذا الموضوع .

يبدو بأن كلماتي قد ازعجتة . فلم يكن يريد ان يضيف رأية الصادق في . 

ولم يكن يريد ان يصدمني . فهو يعرف ويعي تماما . كم سيكون واقع الصدمة على نفسي . 

فهو صديقي منذ الطفولة . ويعرف من هو انا كما اعرف تماما كيف يفكر هو .

شكرتة على ذوقة .وذهبت الى تلك المدونة . 

لأصطدم أكثر كثيرا مما كان قد يصدمني من رأية .

صدمت في نفسي . 

فالكلمات التي رأيتها والمدونة . بالفعل محترفة .

محترفة بمعنى الكلمة . فعندما بدأت في قرائة بعضا من شعرها . وجدته بالفعل هذا الشعر الذي تمنيت ان اصل اليه يوما ما .

وعندما تعمقت لاشاهد نثرها وخواطرها . وجدتها تلك الكاتبة المحترفة بالفعل . التي تعرف تماما كيف تكون الكلمات .

وبدأت في اضافة ردي . معبرا عن مدى جمال كلماتها . وهذا كان بمنتهى صدقي . 

هذة فقط كانت البداية . ولكن يا لها من نهاية . 

الصورة الموضحة اعلاه . هي كما تسميتها الاصلية ( المتابعين ) .

والمقصود متابعين المدونة . متابعين تدويناتك . 

ولكن بالنسبة لي كانوا اكثر من متابعين . 

فكانوا بالنسبة لي . كالمعترفين بي . 

اسميتهم انا برافعين معنوياتي . 

اللي هما مديني الأمل في بكرة . 

وفي الأخروكما هو ظاهر . مهتمين بشخابيطي . 

في البداية . كانوا صفر . زيرووووووووو .

فاضية . لا يوجد احد . 

ليس هناك من يتابعك يا شرقاوي فارتاح .

ليس هناك من هو مهتم . وما فيش حد هيديك الامل .

لإن الأمل مات . 

وماحدش مهتم بشخبطك . 

ولم يكن أمامي سوى الانتظار . الصمت . 

لم يكن أمامي سوى ان اذهب الى فلان وعلان وفلانة وعلانة اطلب منهم الزيارة .

وكأني بذلك المتسول الذي يمشي في تلك الشوارع لا يعرف وجهتة . 

سوى انه يطلب بعضا من طعام يسد به جوعة . اوجرعة ماء تكفية عن عطشة .

لم اكن اطلب ان يضاف في تلك الخانة هناك احدا ما . سوى انه كان طلبي ان يزورني ويهتم بي احدا ما .

فلم اكن طامعا كثيرا فيما لا استطيع تحقيقة . او ما لا استحقة . 

فبعد لما كانت معنوياتي عالية لفوق . كادت ان تلامس السماء .

بعد ان الأمل يعيش بداخلي . مات ولم يعد يهمني . 

فجأة لاقيت في الخانة دي بقى واحد . 

أوبا . وأوبا أوي . دا الكلام دا كبير . 

ما صدقتش نفسي . معقول ممكن يكون حد عرفني .

او حد اعترف بيا حتى . 

روحت اشوف مين موجود . واذا بها صاحبة تلك المدونة . 

لم أكن واعي تماما للسبب . لم أفهم تماما ما المقصود . 

فهي ليست بتلك الهاوية التي ربما أرادت أن تدخل هذا العالم . 

وصادفت شخابيطي بالصدفة . 

وليست بتلك التي ربما ارادت معرفة بعضا من كلماتي . فلربما الهمتها باي فكرة كانت . 

هيا مش محتاجة .محترفة . وليها جمهورها ومتابعينها . 

وانا احد متابعينها . 

بس ما رضتش اني اقف قدام الموضوع دا كتير . 

عشان حتى ما اقتلش فيا شيء كان مات وصحي .

او اني اكسر ما تم اصلاحة بداخلي . 

واردت ان اعود لكذبي على نفسي . 

وأن اعتقدت ولو لوهلة من الزمان . انه ربما يوجد بصيص أمل . 

وبأن النور ما زال موجودا . ربما خرجت يوما اليه لأراه . 

لأشاهدة . واشوف الشمس يمكن يوم بعيني . 

ويمكن برضة المس السما بايدي . 

لعند كدا حلو اوي و بدأت تروق وتحلى .

وعندك متابع اهو يا عم . وحد متابع اللي بتكتبة . 

ارجع اكتب بقى تاني . 

وحاول تكتب جديد . من قلبك اكتب . من عقلك اكتب . 

وهات برضة كراريسك وشوف قديم . لسة فية . ولا خلاص .

وفعلا رجعت روحي لمكانها . وبدأت اشوف وأدور على اوراق هناك وهنا . 

على مدونات كتير . اضيف تعليق . اقول رأي . 

ورجعت لقراءة الكتب اللي كانت خلاص في طريقها للنسيان . 

ورجع قلبي ينبض . يرجع عقلي برضة ينبض . 

رجع كل جزء فيا ينبض . 

ايدي رجعت زي ما كانت . بتعرف تكتب . 

شكلي لو كنت شوية . كنت نسيت يعني اية الكتابة .

يعني اية كتاب . يعني اية القراية زي ما بيقول الكتاب . 

المهم . بعد فترة من الزمن . وبعد تطور الاحداث .

بطريقة لم اتوقعها . لم اشهدها سابقا . 

بطريقة لم تكن في الحسبان . 

انقلبت الأمور سريعا سريعا . وتشتت مني خيوط دليلي .

تلك الخيوط التي كنت متمسك بها لتدلني على طريقي .

ولكن يبدو بانها خيوط هشة . أي نفحة هوا تقطعها . تفتفتها . 

لاقيت رد ليا على صاحبة المدونة اياها . اتمسح . 

فجاة اتمسح . 

طب لية يتمسح . حتى لو حدث ما حدث . 

اية دخل رايي في موضوع وكلمات كانت ليكي . في موضوع مرتبط بيا وبيكي .

وردودي دائما ما اكون قد بذلك فيها ربما ما اسميه بمجهودا . 

واخذ مني بعضا من الوقت . لكي اضيف رأيي بصفاء ودقة وبعض من احترافية( كما اظن انا وكما يخيل لي )

في ذلك الوقت . كان فية واحد صاحبي مسافر كوريا هوا دلوقتي . 

هوا برضة اللي كتبت حاجة بسميها قصة . وهيا لا تقرب من اصول القصة بمليم ولا بشلن .

بعنوان مسجون في أمريكا ومين يعلم مش يمكن اكتب ايضا كيف كانت رحلتة في كوريا . 

المهم لكي لا نبتعد كثيرا . 

عندما وجدتة هناك في ذلك الجزء الذي اسمية . مهتمين بشخابيطي . 

زادت فرحتي . فهم اثنان . يا لشهرتي . ويا لفرحتي وسعادتي . 

ويا ليتها دامت . يا ليتها لم تنتهي تلك الفرحة .

ويا ليته كان حلما . عندما أصحو منه اعرف بان الحياه هيا هيا هكذا لا تتغير . وبأن حلمي هو من يتغير .

ولكنت حينها عدت الى حلمي كلما اردت ان اعيش في خيالي . كلما اردت ان احس بدقات قلبي .

حينما اريد ان استمع لعقلي . واعرف باني ما زلت اعيش بنبضي . 

ارجع لذلك الحلم الذي لم يموت . 

ارجع لأجد بأن المتابعين . المهتمين . الرافعين معنوياتي . اصبحوا واحد فقط لا غير . 

صديقي ذاك هو الذي ما يزال هناك وهنا . 

ولم أعرف ايضا . ما دخل تلك في ذاك . او ذاك في تلك . 

رغم اني لم اتنازل عن متابعتي لها . تلك المدونة الجميلة . تلك التدوينات الرائعة . 

أردت أن اتابع كل ما تكتبة . اردت ان اشتم رائحة عطرها في كلماتها . 

ان المس روحها . وان ارى ضحكتها في حروفها . 

ياااااااااااه .  دا انا بعدت اوي . 

بس مش مهم ادينا فيها . 

والمقصود . الصورة اللي ضفناها هناك . 

قبل كم سطر . 

موجود 5 مهتمين بشخابيطي . ربنا يخليهم ليا . ربنا يزيدهم كمان وكمان . 

هما الأمل . هما النور اللي بشوفة ويشوفني كل يوم . 

وما كانوش 5 . دول كانوا 6 . بس حصل نفس الحوار تاني . 

استاذة فاضلة . اضفت ردي عليها في موضوعها . واصفا جمال كلماتها . 

ولكنها ايضا حجبتة . لم تعرضة . بالظبط حذفتة . 

طب اية اللي دخل دي في دي . وما دخل تلك في ذاك وذاك في تلك . 

فكان ردي عليها موضحا لها وجهة نظري . في شخابيطي هنا . 

ايوة ما هو الواحد برضة يخاف . يضيف اي حاجة . تتزال . ما تتشافش . تتقتل وتموت قدام عنيك ولا حد شايف ولا عارف .

وسميت ردي بكدا ردا على رد الرد . ايوة ما هو فعلا ردي على الرد على ردي . 

السادس اللي كنت بقول عليه . وكان من ضمن المهتمين بشخابيطي . هي الاستاذة الفاضلة . 

فقد تركت هنا . فكيف لها ان تبقى . 

وهنا مش قد المقام . مش قد المستوى . 

فهي ايضا كاتبة عبقرية محترفة . لها مني كل احترام . ولكلماتها وكتابها كل الاحترام والتقدير . 

طب اية اللي دخل دي في دي . ولا ذاك في تلك وتلك في ذاك . 

هذا لانها يبدو انها قد اضافت اسمها منيرا تلك الخانة . فقط لشيئا في نفسها . 

ليس على اقتناعا منها . بتلك الخرافات التي اكتبها . 

دا اللي شوفتة النهاردة . اخر حاجة دي بقى . ما فيش بعد كدا . 

المهم . ان المهتمين بشخابيطي لهم مني كل الحب . ما جوش بالسهل كدا . 

دي بالشحاتة . والتوسل والتسول . 

لعند ما حن منهم بعضهم . 

الا اني لا انسى بأن هناك من لم اطلب منه . واتى الى هنا طوعا . 

بارادتة . هناك من يمتلك بالفعل ذلك الاحساس بالاخرين . 

هناك من يعرف كيف يكون ذاك الشعور . 

هناك من يبدو أنه تألم كما أتألم . 

وهناك من يحلم كما أحلم . 

وهناك من يبفكر كما أفكر . 

وهناك من يعرف أنة النور للأخرين . 

وانة دليل لطريق ما لأخرين . 

ويا نفسي . خلاص . اللي عندي في الموضوع دا خلص خلاص .

قولت اللي عندي . ويمكن مش كله . بس دا كفاية النهاردة .
 ومش النهاردة بس . النهاردة ويمكن على طول . بخصوص هذا الموضوع .

فمش تزعلي .ولا تتنرفزي ولا تتعصبي . 

شرقاوي . انا نفسك صحيح . وساعات بتعبك . وساعات بزعلك وأعصبك .

وساعات انت تضايقني وتعصبي وتخنقني كمان منك .لدرجة اني بعوز اموتك واقتلك واخنقك .

بس كل دا مش حقيقي . الحقيقي . انت انا وانا انت . 

افتكر اللي قريتة لتوفيق الحكيم لما قال التعادلية . 

واعرف ان الضلمة لازمها نور .

والليل لازمة نهار . 

والقلب قبالة عقل . 

افتكر ان الخير مش بيموت . الخير دايما موجود ما دام الشر موجود . 

واعرف ان الأمل برضة مش بيموت . لانة لو مات احنا كمان نموت .