من بين السطور
في الحقيقة أنا مش عارف أكتب عن أنهي موضوع .
في دماغي حاجات كتير .
وفعلا كل شيء بيدور في دماغي دلوقتي محتاج مواضيع .
وأنا أساسا مش من عادتي أني أكتب كل يوم . واني ابقى موجود دايما في كتابات وكلمات .
لأني بحس انه من الصعوبة . ان حد زيي بمستواه المعتاد يحافظ على نمط الكلمات كما هي كل يوم .
بس هاعمل اية طـ غير اني أكتب وأحاول اني اكتب .
كلمات سبتها ، ما سبتنيش .
كلمات كرهتها ، ما كرهتنيش .
بين السطور . دا امبارح الكلام ده .
لما لاقيت نفسي بشكل تلقائي . وغير اعتيادي هذة المرة .
اذهب هناك لاضيف لها بعضا من كلمات .
ولا اعرف لماذا . والسبب ماذا ؟
بس لاقيت نفسي رايح هناك وبـ أضيف ردي .
مع اني بشوف جديدها دايما .
بس المرة دي . وبعد لما انتهيت من كتابة - قال مدونة قال - كشفت نفسي قدام نفسي .
وفعلا لاقيت اني ممكن اكون حد كداب . بقول كلام وما بعملوش .
بطلب من غيري اللي لية ما بقدموش .
وقاعد اقول - اية اللي دخل دي في دي . وما دخل تلك في ذاك وذاك في تلك .
قولت لنفسي :ما تقول لنفسك يا شرقاوي .
ما دام بتطلب ان غيرك يسامحك . يبقى لازم في الاول انت تسامحة .
ولو طلبت ان حد يحبك . في الاول لازم تحبة .
ولو ولو ولو . قولت لنفسي كتير . والخلاصة اني لازم اطبق على نفسي اللي بقولة .
واللي بقولة لازم اكون بعملة قبل ما اقولة .
ولا هوا يعني بعيش في المثالية . وهيا عني كل البعد بعيدة .
يمكن اصلا ما اعرفهاش . ما بعشهاش . ما افهمهاش .
كلمة بس بكدب على نفسي بيها .
وبقول اهي مثالية وخلاص واديني عايش فيها .
وقولت اما احاول اني اتغير . احاول انكون صادق مع نفسي شوية ، وشوية واحدة لية . لية ما تبقاش شويتين .
ولاقيت نفسي قدام حقيقة . كانت دايما مني قريبة .
هيا اللي ضفتلها ردي ومسحتة .
واللي كانت من رافعين معنوياتي والامل فيا قتلتة .
وسألت نفسي . هوا انا زعلان منها ؟ ولا مني زعلان ليها ؟
الا انا قتلت حاجة فيها ؟ ولا فيا حاجة قتلها هيا ؟
مين السبب ؟ مين بدأ ؟
اسألة كتير . نسيت اجابتها . ما دورتش . ما وقفتش كتير قدامها .
هوا يعني لازم افضل دايما في اسألة عايش ؟!
المهم اني وصلت اني المفروض فعلا . اني اقدم الخير وما انتظرش مقابل .
وان جالي مقابل ما هو برضة خير .
واني احب وما اطلبش اتحب .
وان جالي حب اهو برضة خير .
ساعات نشوف الحنيِّن علينا قاسي .
ساعات نشوف القاسي برضة علينا حنيِّن .
ساعات نشوف غيرنا ظالم . واحنا اللي ظالمين .
والمقصود . مش كل اللي بنشوفة دايما صحيح .
وان فية حاجات لازم نسيبها لربنا .
ونتعامل مع بعضنا بقلبنا .
لاقيت برضة ان اوقات كتير لو فهمنا حد جامد قوي . بنوصل معاه للنهاية بسرعة برضة قوي .
وساعات لو اتقربنا من بعض بسرعة قوي . بنفترق برضة بسرعة قوي .
وان العلاقات السطحية ساعات تدوم اكتر من العلاقات المتعمقة .
تعليقات
إرسال تعليق
رافعين معنوياتي . رأيك يهمني . ردك يسعدني .