| 10 التعليقات ]



يمشي وحيدا غير منتبه للطريق .
يفكر كثيرا ولا يوجد الكثير ليفكر فيه .
يأتي من خلفة ليخبطة في كتفة .
يتوقف ليبدأ الحديث .

-         مش تاخد بالك . إنت مش شايفني .
-         لا والله مش شايفك .
-         لية ؟ أعمى يعني ولا أنا اللي مش باين ؟
-         إنت اللي مش باين .
-         يعني أنا مش موجود ؟
-         أيوة فعلا . بالظبط كدا . إنت مش موجود .
-         طيب أمال مين اللي بيتكلم معاك دلوقتي ؟
-         جايز أكون ما بتكلمش مع حد . أو بكلم نفسي .
-         يعني مجنون ؟
-         إحتمال وارد . ومش بعيد . اية المانع .
-         طيب اثبتلك ازاي اني موجود . أضربك عشان تعرف ؟
-         دا مش اثبات لوجودك . جايز أكون فعلا مضروب . وجايز يكون عندي مرض أقوم أضرب نفسي . أو أقع على الأرض فيكون دا صرع مصاب انا بيه .
-         طيب أعملك اية يعني عشان اثبتلك اني موجود .
-         السؤال دا ليك انت . اثبتلي وبرهنلي على وجودك .
-         انت مين اصلا عشان اثبتلك ولا ابرهنلك ؟!
-         انا نفسك .

صوت يأتية من خلفة . يا عم الطريق . الطريق يا مجنون . اوعى . ميل .
يلتفت خلفة . ينتبه لطريقة . يميل جانبا ليصل إلى الرصيف .
سريعا ما ينتبه للرجل الذي كان يحدثه . أين ذهب . لم يجدة . اختفى لم يراه .

يبدأ في التحرك كما كانت بداية تحركة . غير منتبه . يصطدم بحجارة . كاد أن يقع . هناك أخر اصطدم به هو من انقذة من الوقوع . يقف ليجدة هو ذاك الرجل نفسة .

-         انت تاني ! انت كنت روحت فين ؟
-         انا دايما موجود . ما بروحش في مكان . انا دايما معاك . انت بس اللي ما خدتش بالك مني .
-         طيب ماشي . عايز اية بقى دلوقتي تاني ؟
-         انت اللي عايز مش انا .
-         طيب ياسيدي . انا سامحتك ومش عايز حاجة منك خلاص .
-         طيب يعني اقتنعت انك مش موجود . وانك مالكش وجود .
-         رجعنا تاني لنفس الموضوع . لأ يا سيدي أنا موجود ونص أهو قدامك شحم ولحم . وأغرق بقى من قدامي . وما تخنقنيش .
-         طيب بص . أنا هسيبك عشان تفكر في كلامي . بس راجعلك ، راجعلك . ومش هسيبك . وحاول انك تثبت اللي انت بتقولة . اثبت وجودك . 

اثبت وجودك .. 2  

10 التعليقات

Lobna Ahmed يقول... @ 23 فبراير 2013 11:50 ص

حلوة
مستنية الجزء التاني

ليلى الصباحى.. lolocat يقول... @ 23 فبراير 2013 2:31 م

. وحاول انك تثبت اللي انت بتقولة . اثبت وجودك .

علشان نمشى الطريق لازم نترك فيه اثر يدل علينا
ولازم علشان نمشى الطريق نختاره من البداية صح
ولازم علشان نكمل نمحى كل العقبات فى الطريق

ده اللى فهمته من بين السطور ويارب اكون محقة :)
البوست له ابعاد كتير والرمز فيه يحتمل افكار كتير
وممكن اى قارىء يفسره حسب رؤيته وده اجمل مافيه

تحياتى لك شرقاوى بحجم السماء
ودائما فى انتظار جديدك


Gelan Ez يقول... @ 23 فبراير 2013 2:34 م

مبدع :)
بس كده ^_^

SHARKawi يقول... @ 23 فبراير 2013 10:34 م

اشكرك استاذة ( لبنى ) على وجودك ومرورك اللي شرفني .
اتمنى بالفعل انها تكون عجبتك .
وانها تكون حقيقة ( حلوة ) .

اتمنى دوام التواصل اللي هيسعدني . وبيسعدني .

تشكراتي . كامل احترامي وتقديري . لكي مني دعواتي . لكي تحياتي .

SHARKawi يقول... @ 23 فبراير 2013 10:42 م

استاذة ( ليلى ) بالتأكيد وجودك ودوام تواصلك شيء بيرفع من معنوياتي كتير . وكمان بالتأكيد مرورك وردك أمر لا يستهان به . وجهة نظرك تحترم مهما كانت زاوية الرؤية .

اقتباس ( علشان نمشى الطريق لازم نترك فيه اثر يدل علينا
ولازم علشان نمشى الطريق نختاره من البداية صح
ولازم علشان نكمل نمحى كل العقبات فى الطريق )

دا حقيقي طبعا . وصحيح مية المية . وما حدش يقدر يقول حاجة عن كدا . لانه فعلا لازم يكون كدا .

اقتباس ( البوست له ابعاد كتير والرمز فيه يحتمل افكار كتير
وممكن اى قارىء يفسره حسب رؤيته وده اجمل مافيه )

وهوا دا فعلا استاذتي اللي بحاول بشتى الطرق اني اوصل ليه . احب انه يكون ليه اكتر من زاوية للرؤية . يفسرة كل على حسب فكرة وتفكيرة . كل يمضي في خيالة حسب ابعاد خياله هو .
زي ما حضرتك ذكرتي اعلاه بعضا من رؤيتك .
وزي ما لسة القصة هتكمل ويبان فيها ايضا بعضا من رؤى أخرى .

اقتباس ( ده اللى فهمته من بين السطور ويارب اكون محقة :) ) بكل تأكيد محقة هذا لا شك فيه . ذكرتي الرؤية وابعادها . وذكرتي ان الرؤى ربما تكاثرت وكثرت . ولكل منا رؤيتة . الأهم ان رؤيتك صحيحة تماما هذا لا شك فيه .

تعجز كلماتي عن شكرك ودعمك الدائم لي .
ولكن ايضا دعيني اكون ذاك الطامع متمنيا ان يدوم تواصلك اللي بيسعدني .

لكي مني تشكراتي . كامل احترامي وتقديري . لكي دعواتي . لكي مني تحياتي .

SHARKawi يقول... @ 23 فبراير 2013 10:44 م

اشكرك ( Gelan Ez ) على وجودك ومرورك وردك .
طبعا سعيد بوصفك الذي ربما لا استحقة ( مبدع ) هي كلمة ربما كانت بعيده عني . ولكني اتمنى ان اكون يوما ما ، ما وصفتية .

عجبتني ^__^ الابتسامة . ربنا يديمها عليكي يارب .
وتكوني دايما مبستمة وفي سعادة .

اتمنى دوام التواصل .
تشكراتي . كامل احترامي وتقديري . لكي مني دعواتي . تحياتي .

بهاء يقول... @ 26 فبراير 2013 7:51 ص

بصراحه مافهمت شي

Ahlam Jahaf يقول... @ 25 مارس 2013 8:15 م

يمر الإنسان فعلا بلحظات يكلم فيها نفسه
وقد يكون ذلك الحديث مهم جدا
لكننا اعتدنا ان نستغرب ونتعجب ونتهم الشخص بالجنون
اطيب تحياتي

SHARKawi يقول... @ 30 مارس 2013 9:17 م

اشكرك ( بهاء ) على وجودك ومرورك اللي اسعدني .
ويا عزيزتي الموضوع بسيط جدا . هو فلسفة الوجود .
وكيفية اثبات ذاك الوجود . القصة لم تنتهي هي لها بقية . فانتظريها .

اتمنى دوام التواصل .
تشكراتي . كامل احترامي وتقديري .دعواتي . تحياتي

SHARKawi يقول... @ 30 مارس 2013 9:32 م

اشكرك ( Ahlam Jahaf ) على وجودك وتشريفك ليا . نورتي الموضوع . اسعدني جدا ردك .
لا انكر انك نظرتي للموضوع بزاوية أخرى ربما كان البعض غفل عنها أو لم يراها . اقتباس ( يمر الإنسان فعلا بلحظات يكلم فيها نفسه
وقد يكون ذلك الحديث مهم جدا
لكننا اعتدنا ان نستغرب ونتعجب ونتهم الشخص بالجنون ) نعم بالفعل هذا ما يحدث . نتهم كل من يقف بعضا من الوقت مع نفسة يحدثها بالجنون .
بينما الجنون هو ان لا نعرف أنفسنا ولا نقف معها ولو لدقائق معدودة .

اتمنى دوام التواصل .
لكي تشكراتي . كامل احترامي وتقديري . دعواتي . تحياتي .

إرسال تعليق

رافعين معنوياتي . رأيك يهمني . ردك يسعدني .