| 7 التعليقات ]


اضحك والضحكه هتبقي ضحكتين
واتنين في اتنين في اتنين ضحك كل اللي عايشين
كلنا في مركب واحده مكملين
والصوره الحلوه بتتاخد في ثانيتين

اوعي تغمض عينيك توقف بعيد وحيد
حاجات كتير حواليك بتناديك
ارسم ولون وشوش الناس
شغل مزيكا تخيل غني بإحساس

سيب نفسك .. لو حتي يوم
لو كل الناس هيقولوا عليك مجنون
سيب نفسك .. لو حتي يوم
ولو كل الناس هيقولوا عليك مجنون

عيش للناس 

اضحك ما الضحكه ياما تشيل كتير
وكتير مجانين في الخير .. ساعدوا كل العايشين
لو بكره تساعد تاني مش بعيد
بعده هتصحي تلاقي في كل الدنيا عيد

ماتعيش الدنيا بروح الطفل اللي جواك
لو مهما قالو الضحكه مش مفرقاك
افتح شباكك ونور حياتك
انزل افرح فرح و كفاية اللي فاتك 

سيب نفسك .. لو حتي يوم
لو كل الناس هيقولوا عليك مجنون
سيب نفسك .. لو حتي يوم
لو كل الناس هيقولوا عليك مجنون

 نفض .. اي زعل او هم عن هدومك
ارسم .. ابتسامة حلوة ابدأ بيها يومك
اتجنن .. اعمل اي خير لغيرك مين يلومك
اضحك .. وامسح اللي باقي لسة من همومك 
خلي السعادة عادة
حتى ولو بزيادة 
اعمل خير من غير ما تسأل اية الاستفادة 
بحلم .. بالفرح
بحلم .. بإبتسامة 
بحلم .. ان الضحكة تبقى في وشنا علامة 
مجنون .. عادي جدا ممكن بيها توصفوني 
مبسوط .. وع السعادة جايز جدا تحسدوني

سيب نفسك .. لو حتي يوم
لو كل الناس هيقولوا عليك مجنون
سيب نفسك .. لو حتي يوم
لو كل الناس هيقولوا عليك مجنون

عيش للناس 

7 التعليقات

الازهرى يقول... @ 21 فبراير، 2013 10:35 م

اضحك .. وامسح اللي باقي لسة من همومك
خلي السعادة عادة

والضحكة بتمسح أى جراح

تحححححححححححفة
مفيش احسن من الامل والضحكة علشان نعيش

ahlam jahaf يقول... @ 22 فبراير، 2013 12:23 ص

اضحك والضحكة حتبقى ضحكتين
الضحك وسيلة للتخلص من الهموم والضغوط النفسية
...
بحلم ان الضحكة تبقى في وشنا علامة
احلى حلم ان الضحكة تعرف طريق وجوهنا
لأن الوجوه في شوارعنا حزينة ...مهمومة متعوسة
وياليت الكل يبقوا مجانين
تحياتي

حكاية قلم ( الكاتبة فاطمة العبيدي ) يقول... @ 22 فبراير، 2013 1:12 ص

روعة هذه الضحكة وهذا الجنون
تحياتي

reemaas يقول... @ 22 فبراير، 2013 6:08 م

:)

عجبتن كده كده تخليك مبتسم وانت بتقرا

faroukfahmy58 يقول... @ 23 فبراير، 2013 12:07 م

الضحكة لن تكلف كثيرا اكثر من انفراج الشفة بدلا من ضمها على حزن دفين

SHARKawi يقول... @ 23 فبراير، 2013 10:31 م

اشكركم جميعا يا رافعين معنوياتي .
ربنا يديم الابتسامة على وشوشكم يارب آمين .
ويجعل النجاح طريقكم .
وتكون السعادة نصيبكم .

تشكراتي .كامل احترامي وتقديري . لكم مني دعواتي . تحياتي .

الجودي يقول... @ 18 يونيو، 2013 4:48 م

اوعي تغمض عينيك توقف بعيد وحيد
حاجات كتير حواليك بتناديك
ارسم ولون وشوش الناس ..

صحيح

شكرا شرقاوي أول مره اسمعها كامله ...

تحياتي لك

إرسال تعليق

رافعين معنوياتي . رأيك يهمني . ردك يسعدني .