| 3 التعليقات ]

أنا في الحقيقة ما بحبش ارغي في السياسة كتير .
وما بحبش اجيب صور وقضايا وأقعد بقى أرفع شعارات وأعيد وأزيد في كلام أصلا منتهي الكلام فيه وخلصان .
اتكلمت زمان كتير . قولت أراء ورؤى ونظريات .
وضحت وجهة نظري الشخصية البعيدة تماما عن أي انتماء .
أنا مواطن مصري بسيط . لا أعي كل شيء عن الحياه السياسية وأسرارها .
ولا أعرف كل المعاني والمفاهيم السياسية العميقة .
بالإضافة إلى أني مغترب ، أعيش في غير بلدي سعيا وراء لقمة العيش التي لم أجدها على أرضي ، في وطني .
الهواء الذي استنشقة ، والتراب الذي امشي عليه ، والسماء التي أنظر إليها ، ليست تلك التي أشاهدها في بلادي .
هي كلها في النهاية سماء واحدة وهواء واحد وتراب وتربة واحدة . ولكن الوطن له طعم أخر ومذاق مختلف .

يخبرونا أحيانا أنه لا يحق لنا أن نتكلم في أمور بلادنا هذا لأننا لسنا بها وبعيدين عنها .
مخطئين ، مغفلين هو الوصف الأدق . نحن أكثر وطنية منكم .
أجبرنا أنت نترك الأحباب والأصدقاء والأهل والأقرباء .
يكفي فقط أنك تعيش في أرض ليست أرضك . وتخدم وطن ليس وطنك .
أن تعطي مجهودك وصحتك وعمرك وكل أفكارك ومواهبك وأحلامك لغيرك .
في مقابل بعض الأموال التي تشتري بهم طعاما كان أو مسكن . ( لقمة عيش تاكلها ، وهدمة تلبسها )
ويا ليت هناك تقدير ما إلا أنهم يعتقدون أنهم هم من يرزقونك وأنك بدونهم لا شيء .
هم سبب وجودك وبقاءك . وبدونهم حياتك ستصبح جحيم .
لأنهم أعتقدوا لوهلة أنك لا وطن لك .

لن أحكي وأتحاكى عن الغربة ومعانيها وما نعانيه نحن فيها .
لست وحدي مغترب . الكثير كانوا قبلي . والكثير هم الآن . ولن يتوقف الأمر عند هذا الحال .
ستبقى الأمور هكذا . لا وطن لك تلجأ إليه . يوفر لك أمور المعيشة لتعيش وتتعايش فيه . 

نفسي : أنا حاسة بيك النهاردة ومش هشد عليك زي كل مرة ، بس مع كدة برضة عايزة أقولك إنجز لإن المقدمة كدة طولت أوي زيادة عن اللزوم . أدخل في الموضوع على طول . 
حبس 14 من فتيات «الإخوان» بالإسكندرية 11 عامًا.. وإيداع 7 قاصرات «دور رعاية»

الخبر دة مش عارف عمل فيا اية . غير انه خلاني أراجع أموري شوية . وجالي إحساس بأنه فيه حاجة غلط .
أكيد فيه حاجات غلط مش حاجة واحدة . أنا مش إخواني وأكيد كل شخابيطي القديمة وكل أرائي الواضحة المعالم بتوضح وبتثبت إني ضد كل هذا كله . ( سياسة ودين .. ، لماذا لا للإخوان ؟ ، ما بنحبهاش ، في النهاية كلنا إنسان ، جمعية مصر .. )
ودة أعتقد أنه دليل كافي عشان يثبت للجميع اتجاهي السياسي اللي ما بعتبرهوش اتجاه معين لأي حزب كان أو أي جماعة . دة مجرد رأي مواطن بسيط له حق الكلام والشخابيط .

المشكلة بقى ان في القضية المذكورة أعلاه فيه ناس بتشكك فيها ، وناس موافقة وراضية وبتدعي أنهم ارهابيين ، طيب أنا بقى مش هسكت وهقول دول مش شكل ارهابيين . طب بصوا كدة معايا في الصور الجاية وانتوا تحسوا وتعرفوا . 



طب بلاش الصورة الجماعية دي . واللي ممكن ما تكونش ظاهرة حاجات كتير . احنا اصلا اللي مغميين عنينا ومش عايزين نكون شايفين . 

طب الإبتسامة دي والرضا دة ما لوش معنى ؟!
الثبات اللي هما فيه ما بيدلش على حاجة طيب ؟! 



طب بلاش الثبات والرضا اللي هما فيه ، والابتسامة .


طب واللي فاتت دي . ما بتبينش حاجة . 

على فكرة البتاع الخضرة اللي في الصباع دي . عداد تسبيح .
يعني سبحان الله ، سبحان الله العظيم ، الحمد لله ، لا إله الا الله ، الله أكبر .

اظن المعنى واضح ومفهوم . تسابيح يا بشر ويا بني آدمين .
بيذكروا الله يا معفنين ، يا أيها الغافلين .

ع الفيس ترد واحدة تقولك وبتريقة انهم أكيد ما خدهمش وهما بيصلوا . وجايبة صور متجمعة لبنات بترمي طوب وكدة .
وكان ردي عليها كالتالي : 


انتي تعرفيهم من عنيهم . تعرفيهم بابتسامتهم وهدوئهم . تعرفيهم من دراستهم وتخصصاتهم . تعرفيهم من ثباتهم . انا لو رجعتي لصفحتي وشوفتي ارائي في المواضيع السياسة هتلاقيني معارض تماما لشيء اسمه اخوان . بس في قضية البنات دول . الأمور بدأت تتقلب معايا . في حاجات كدا فجأة بتظهر بتخليكي تعيدي حساباتك . بنات في عمر الزهور زي دول تخليكي تفكري مرة واتنين . 
ودي بقى تخصصاتهم ودراستهم 

لأ وغير كدة وكدة شوفوا بقى من ضمنهم مين .

دوله يهان فيها الانسان، و ما أدراك حين يكون هذا الانسان متخصص فى الهندسه النوويه .. بينما يُرفع فيها من قدر السفهاء و الفاشلين و المنحطين ..إن هذه لدول جديره بأن تنهار بظلمها عما قريب ...

الصوره ل "رضوى " أحد المحكوم عليهم ظلما ب أحد عشر عاما سجن، و هى من المتخصصين فى الهندسه النوويه و هو التخصص الذى يندر وجوده فى هذه البلد " مصر " ...

إننا فى الموقع، ننظر الى هذا من جانب انسانى أولا، و لكن ما يعنينا حين نتحدث هنا، هو ما بات واضحا من أنظمه المستبد لاستهدافها للعلماء و الطلبه و المفكرين و الأطباء ..

يقول الكواكبى : " ان الاستبداد و العلم ضدان متغالبان، فكلُ إدارهٍ مستبدة تسعي جهدها في إطفاء نور العلم، و حصر الرعية في حالك الجهل

طب فية كلام يتقال طيب بعد اللي اتقال فوق . فية حاجة اكتر من كدة . 
طب عارفين دة معناه اية ؟ تخيلي بعد ان تمضي مدة عقوبتهم مع هؤلاء الفاسقين وربما الداعرين . كيف سيكون مستقبلهم .
هل تعلموا ماذا سيحدث ؟ لا شيء سوى انه سيزداد عدد المجرمين بعض الشيء ويبقى الفساد وليد يوما بعد يوما بيد حكومة البلاد .
انهم يقتلون مستقبل بايديهم . لنبقي مدفونين في ماضي مظلم كئيب .
نفسي : طب وانت بتقول كل الكلام دة لية . وحاطط كل الصور دي ليه ؟دا انت غريب اوي يا شرقاوي . لتكون مفكر ياض انك بكلامك دة مثلا ورغي وهريك اللي في الفاضي دة هيعمل حاجة . ولا ليه معنى او وجود أصلا . لا وحياتك . إنت بترغي في الفاضي . وأعلى ما في خيلك أركبه . وخليه يركبك . أنت فاشل كباقي المواطنين . ما بتعملوش حاجة غير انكوا تتكلموا وتكتبوا . انما أفعال مافيش . وما تكدبش على نفسك . انت لا تواجه كالأخرين . وكل ما يهمك هو الريال والجنية . عايز تعيش وخلاص . يا كداب . 
صحيح والله . بس حتى الكلام مش هتكلمة ولا هقولة . طب على الأقل أقول أي حاجة .
أشخبط أي شخبطة كباقي الشخابيط . أفش غلي . أضغط على أزرار لوحتي لأنقش بها بعضا مما في مخيلتي وعقلي .
أنا كالباقيين تماما . لا نحرك ساكنا . وإلا كنا غيرنا من زمان في باقي القضايا . ولكننا لا نملك سوى الصمت .
لا نرى سوى الظلام . لا نسمع سوى أصوات مكتومه . نتحرك في مكاننا . نجري ونزداد وزنا وتزداد وتكبر بطوننا .

طب قضاء فين بقى ونزاهة اية بعد لما نلاقي الحال بالطريقة دي .


طب لية كدة ، وكدة لية ؟! وإزاي أصلا ، وأصلا إزاي ؟!!

حرام عليكم جننتونا . فاضل اية ، وايه باقي . 
دمرتوا مستقبلنا . وضيعتوا حياتنا .
كسرتوا الأمل فينا . وتوهتوا أحلامنا .

سؤال صعب بيراودني ، ازاي هعلم أولادي وأفهمهم وأعرفهم يعني إية كلمة وطن ؟
يعني اية الحرية ط ؟

11 سنة يا كفرة !!!

3 التعليقات

جيلان حمزة يقول... @ 28 نوفمبر، 2013 9:52 م

اولا بالنسبة للمقدمة احب اقولك فعلا معاك حق ان اللي جوا الباد فاكرين اللي براها مش حاسس بحاجة لدرجة انهةمش منحقه يتكلم عنها اصلا
وبالنسبة لباقي البوست انا مبقتش عارفه ولا فاهمة حاجة من اللي بيحصل برضو . لكن ممكن جدا يكون الثبات و الهدوء ده لانهم مصحوكةعليهم و مغيبين وفاكرين ان اليجن ده بوابة الجنة وممكن العكس تماما . . محدش بقا فاهم حاجة . وهرجع واقولك زي ما كتبت في بوستك اللي فات لو كلنا ثح يبقا مين غلط ؟
بجد الموضوع ده بقا فوق الاحتمال
انا حاسه ان لادنا بتصيع ...بتتباع
بس مش عارفه مين بيبيعها لمين وليه

تحياتي

جيلان حمزة يقول... @ 28 نوفمبر، 2013 10:00 م

انا اسفه والله على الاخطاء الاملائية الكتير اللي في تعليقي اللي فات والسبب اني كنت بكتب من الموبيل..طب والله بعد ما نشرت التعليق وقريته قعدت اضحك خصوصا لما جيت اكتب صح كتبتها ثح هههههههه . هم يبكي وهم يضحك

أحمد عامر يقول... @ 4 ديسمبر، 2013 1:42 ص

ربك يصلح الحال

إرسال تعليق

رافعين معنوياتي . رأيك يهمني . ردك يسعدني .